Xatırladaq ki, “Cemo” ləqəbli Camal Mikeladze Rövşən Canıyevin ən yaxın tərəfdarı kimi tanınırdı. Onun adı Rövşən Canıyevlə ilk dəfə 2010-cu ildə birgə çəkilməyə başlayıb.

Gürcüstan əsilli azərbaycanlı avtoritet Vaqif Süleymanovla Rövşən Lənkəranskinin 2010-cu ilin yazında aralarında olan münaqişəni çözmək üçün Rublevski yaxınlığında Cemonun böyük qardaşı Mamukonun kotecində “sxodka”ya toplaşıblar. “Rövşən Lənkəranski” tərəfdən söhbətdə Mikeladze qardaşları da iştirak edib. Cemo “sxodka”da dava salıb və Vaqif Süleymanovla vuruşub.

Daha sonra Rövşən Lənkəranskiyə Birləşmiş Ərəb Əmirliklərində sui-qəsd ediləndə Cemo dərhal Dubaya gedib. 2011-ci ilin iyununda “Ded Xasan” “Cemo”nu “qanuni oğru” adından məhrum edib. Bundan sonra Ded Xasan və klanı ilə münasibətlər gərginləşib. Ded Xasanın qətlindən sonra Cemonun həbsxanadan yazdığı iddia edilən məktub ortalığı qarışdırıb. Cemo məktubda iddia edirdi ki, Ded Xasanın qətl planını Rövşən Lənkəranski, Merab və Levan Canqveladze qardaşları Romada müzakirə edib. Sonrakı görüşdə isə Levan Canqveladzeyə “Val” tüfəngi verilib. Mikeladzenin məktubunda qətl planının maliyyəsinin və həyata keçirilməsinin əsas fiqurantı kimi Rövşən Lənkəranskinin adı hallanırdı. Sonradan məktubnu Ded Xasan klanı tərəfindən ortaya atdığı bildirilib. Ancaq R.Lənkəranski ilə Cemo arasındakı münasibətlər bu hadisədən sonra müəyyən qədər pozulub. İndi isə məlum olub ki, R.Lənkəranski öldürüldükdən sonra onun sərvəti üzərinə nəzarətin azərbaycanlı “oğru”lar Lotu Quli və Vaqif arasında bölüşdürülməsi Cemoya xoş gəlməyib. Bildirilir ki, Cemo İtaliyada barəsindəki həbs qərarının ləğvinə inanır və bundan sonra R.Lənkəranskinin nəzarətində olan sahələri öz əlində cəmləşdirmək üçün fəaliyyətə başlayacaq. Bəzi məlumatlara görı, artıq bununla bağlı Lotu Quliyə xəbərdarlıq da edilib. Lakin Lotu Quli Cemodan gələn xəbərdarlığı ciddiyə almayıb.