Bu baxımdan bu bir həftə davam edən toplantı ərzində Suriyada yaşananlar, İraqda yaşananlar, Türkiyənin terrorla apardığı mübarizə və İraqda, Suriyada gələcəkdə ola biləcək vəziyyətlərə bağlı Türkiyənin fikirlərini görüşdüyümüz şəxslərə dəqiq olaraq çatdırmaq şansına sahib olduq. Çox faydalı görüşlər etdik". General iki ölkə arasındakı ən əhəmiyyətli faktın iqtisadiyyat olduğunu bildirib: "İki ölkə arasındakı əlaqələr dediyiniz zaman ağla ilk əvvəl iqtisadiyyat gəlir. Çin Xalq Respublikası bilirsiniz Türkiyənin Almaniyadan sonra ikinci ən çox əlaqələri olduğu ölkədir. Ancaq təəssüf ki, Türkiyənin idxal və ixrac vəziyyətinə baxsaq Çinə istiqamətli arada çox böyük əksiklik var.

Bunu da aidiyyatı adamlarla danışdıq. Onlarda bu aradakı fərqin azaldılmasıyla əlaqədar səylərin olmasına inandıqlarını bildirdilər. İdxal və ixrac arasındakı tarazlığı təmin edən birinci sahə turizmdir. Onlar da bunu qəbul edirlər. Turizm sahəsindəki inkişafların müsbət nəticələr verəcəyinə onlar da inanırlar. Təəssüf ki, bir gerçək var ölkəmizdəki terror hadisələri ölkəmizə gələn turistlərin sayında arzu edilməyən azalmalara səbəb olur.

Türkiyə bu terror problemindən da ən qısa zamanda çıxmaq məcburiyyətindədir. Bu terror ölkəmizə çox baxımdan zərər verir. Nəticə olaraq faydalı bir səfər oldu". Sabiq Baş Qərargah rəisi səfərdə terrorla mübarizənin də gündəmə gəldiyini qeyd edib: "Artıq PYD mövzusunu danışarkən, bizdən bunu da soruşdular. PYD-lə bağlı Türkiyənin əlində konkret sənəd, dəlil varmı? Bunlar təqdim olunduqdan sonra bu mövzuda konkret mövqe bildirə biləcəklərini və müsbət yanaşa biləcəklərini dedilər".