Kult.az xəbər verir ki, görüşdə Qənirə Paşayeva rəhbərlik etdiyi Avrasiya Beynəlxalq Araşdırmalar İnstitutu İB-nin Türk Ocaqları ilə sıx əməkdaşlıq etdiyini və bu əməkdaşlıq sayəsində Türk Ocaqlarının 100 illiyinin Bakıda yüksək səviyyədə qeyd edildiyini bildirib.

Qənirə Paşayeva Türk Ocaqlarının 100 illiyi şərəfinə onun araşdırmaçı-yazar Azər Turanla birgə yazdığı “Əli bəy Hüseynzadə Turan” kitabının İstanbul Türk Ocaqları tərəfindən Türkiyə türkcəsində çap edilərək Türkiyədə geniş yayılmasını yüksək qiymətləndirib. Kitabın artıq Türkiyənin 30-dən artıq vilayətində təqdimat və imzalanma mərasimlərinin keçirildiyini deyərək bu məsələdə dəstəyinə görə Türk Ocaqlarına təşəkkürünü bildirib və yaxın zamanlarda bir neçə bölgə və universitetlərdə də kitabın təqdimat və imzalanmasının keçiriləcəyini bildirib.

O, Qarabağ münaqişəsi, Xocalı soyqırımı həqiqətlərinin daha geniş yayılmasında Türk Ocaqları ilə layihələrin artmasının əhəmiyyətini vurğulayıb.

“Azərbaycanı özümüzə vətən, Qarabağ problemini də öz ağrımız sayırıq” deyən Burdur Türk Ocaqları rəhbərliyi bu istiqamətdə görülən işlərə toxunmaqla bərabər, fəaliyyətin daha da aktivləşəcəyini deyiblər. Ziyarətin və görüşün sonunda millət vəkili Qənirə Paşayeva rəhbərlik etdiyi Avrasiya Beynəlxalq Araşdırmalar İnstitutu İB tərəfindən keçiriləcək bir sıra tədbirlərdə iştirak etmək üçün Burdur Türk Ocaqlarının rəhbərliyini Azərbaycana dəvət edib və Azərbaycan həqiqətləri və mədəniyyəti ilə bağlı materialları Burdur Türk Ocaqlarına hədiyyə edib.

Dəvəti məmnuniyyətlə qəbul edən Burdur Türk Ocaqları rəhbərliyi də öz növbəsində Türk Ocaqlarının fəaliyyəti ilə bağlı materialları millət vəkilinə hədiyyə edib.

Millət vəkili Burdur Türk Ocaqlarının bütün üzvlərinə həmmüəllifi olduğu “Karabağ hikayeleri” kitabını hədiyyə edib.

Konfransın barədə ətraflı məlumatı videodan izləyə bilərsiniz.