Mövzu ilə bağlıAzərbaycanın tanınmış mama-ginekoloqu dr. Səbinə Mirzəyeva ilə əlaqə saxladıq.

- Sonsuzluğun 50 faizinin səbəbi bilinmir, digər 50 faizinin isə səbəbi hormonal problemlər, anatomik qüsurlar, boru keçməməzliyi, kişi sonsuzluğu, autoimum problemləri ola bilər. Statistika onu göstərir ki, hal-hazırda keçmiş dövrə nisbətən sonsuzluğun sayı artıb. Buna da stress, qida, atmosferdə olan müxtəlif problemlər səbəb ola bilər. Sonsuzluğun indiki zamanda həlli üçün insiminasiyalar, süni mayalanmalar icad olunub. Qadın problemləri ildən-ilə çoxalır, hormonal metabolik problemlər artır. Metabolizma pozulur və bu artıq çəki ilə nəticələnir. 

Doğum fizioloji prosesdir. Bunun üçün də hər bir qadın doğumu normal doğuşla başa çatdırmalıdır. Təbii ki, bu zaman normal doğuma əks göstərişlər yoxdursa, məsələn, dar çanaq, müxtəlif uşaqlığın inkişaf anomaliyaları və s.  Ana dölün həyati təhlükəsi olmazsa, bu doğuş birmənalı olaraq normal doğuş hesab olunur. 

- Hal-hazırda bütün dünyada alimlər sonzuzluğun həllini tapmağa çalışırlar. Buna görə də, süni mayalanmalar, aşılamalar, müxtəlif stimulasiya  protokolları tətbiq edilir. Buna baxmayaraq, yenə də, sonsuzluqdan əziyyət çəkən insanlar artmaqdadır. Mən bunu həyat tərzi, qidalanma, gündəlik keçirdikləri stresslər və  xəstəliklərlə əlaqələndirirəm. İndiki dövrdə tibbin imkanlarından maksimum yararlansaq belə, səbəbini açıqlaya bilmədiyimiz sonsuzluqlar var. Buna ideopatik sonsuzluqlar deyilir. Səbəbini açıqlaya bilmədiyimiz sonsuzluqlarda əsas faktor psixoloji problemlərdir. Stressin ortadan qalxması ilə təbii yolla hamiləlik ehtimalı artır.