Virualaz.org xarici KİV-ə istinadən bildirir ki, bu barədə jurnalistlərə Trampın mətbuat katibi Sara Sanders açıqlama verib.

Onun sözlərinə görə,  ABŞ və Rusiya prezidentləri telefon danışığı zamanı Şimali Koreyadakı təhlükəli vəziyyəti müzakirə ediblər.

“Prezidentlər həmçinin Şimali Koreyada yaranmış çox təhlükəli vəziyyətin həlli istiqamətində birgə işi də müzakirə ediblər”, - deyə  Sara Sanders vurğulayıb.

Xatırladaq ki, bundan əvvəl Rusiya və Çin Şimali Koreyanı nüvə sınaqlarına və raket atışlarına moratorium tətbiq etməyə çağırıb. ABŞ və Cənubi Koreyaya isə bölgədə təlimlərə son  qoyulmasına dair çağırış edilib. Vaşinqton bu təşəbbüsə əhəmiyyət verməyib. 

ABŞ tərəfinin təşəbbüsü ilə baş tutduğu bildirilən danışıq zamanı təmasların davam etdirilməsinə dair razılıq əldə olunub.