Bəs onun ziyanları haqqında nə bilirik?

Axşam.az xarici KİV-ə istinadən məlumat verir ki, gənclik illərindən başlanan bu zərərli vərdiş öz ziyanını müəyyən yaş həddinə çatdıqda göstərir. Aparılan araşdırmalar nəticəsində məlum olub ki, hər 8 saniyədə siqaretə görə bir insan dünyasını dəyişir. 

Günümüzdə əksər insanların istifadə etdiyi siqaretin tüstüsündə isə kimyəvi maddələr, zəhərli qazlar var. Buna görə də bu alışqanlıq təkcə istifadəçisi ilə yanaşı ətrafdakı insanlara da ziyan vurur. Statistikaya əsasən son bir ildə 5 milyon siqaret istifadəçisi həyatını itirib. 

Deyilənə görə, 2020-ci ilə qədər dünyadakı ölümlərin 12 faizinə tütün səbəb olacaq. 2025-ci ildə isə bu rəqəm 10 milyona çatacaq. Ağciyər xərçənginin yaranmasına ən böyük səbəb də elə siqaretdir. Belə ki, tütün və tütün məhsullarının tərkibində xərçəng yaradan maddələr olur və uzun müddət istifadə nəticəsində nəfəsalma problemləri meydana gəlir. 

Siqareti tərgitmək ilk üç gündə çətin olur. Bundan sonrakı vaxt ərzində isə siqaret olan ortamlardan uzaq olmaq, saqqızdan və çərəzlərdən istifadə etmək sağlam həyatınızın başlanğıcı ola bilər.