AZƏRTAC xəbər verir ki, bu sözləri İranın Azərbaycandakı səfiri Cavad Cahangirzadə deyib.

Diplomat bildirib ki, hər iki xalq minillik qonşuluq və dostluq əlaqələrinə malikdir. Bu əlaqələrin inkişafı xalqların maraqlarını əks etdirir: “Bəzi qüvvələr iki dövlətin münasibətlərini pozmağa və bundan öz maraqları üçün istifadə etməyə çalışırlar. Lakin həmin qüvvələr unudurlar ki, İran ilə Azərbaycanın münasibətləri qarşılıqlı əməkdaşlığa yönəlib, səmimiyyətə, dostluğa və qardaşlığa əsaslanır”.