Lakin menovazinin üstünlüyü bununla məhdudlaşmır. Bu maddə bir çox digər xəstəliklər zamanı də əvəzedilməz rol oynayır.

Medicina.az menovazinin digər tətbiq sahələrini təqdim edir: 

 

Angina zamanı boğaza menovazin çəkərək bağlayın. Zökəm zamanı da menovazini iyləmək xeyirli olur. Yaxşı olar ki, burnunuzun bir deşiyini bağlayaraq növbə ilə menovazinlə nəfəs alasınız. 

 

Pambıq tamponu menovazində isladaraq ənsənizdən qulaqlarınıza qədər sürtün. Bu sizin yuxu dərmanı qəbul etmədən yatmağınıza kömək olacaq. 

 

Süd vəzilərində olan ağrı zamanı yaxşı olar ki, döşlərinizə menovazin çəkəsiniz. Bu, soyuqdəyməni və ona bağlı olaraq narahatlıq hissini aradan qaldıracaq. Diqqət: xərçəng zamanı menovazindən istifadə etmək olmaz! 

Vena damarlarının varikoz genişlənməsi zamanı ağrıları və şişkinliyi aradan qaldırmaq üçün menovazindən istifadə edin. Preparatı dairəvi hərəkətlərlə dabandan başlayaraq bütün ayaqlarınıza çəkə bilərsiniz. 

 

Yaraların iltihabı zamanı dezinfeksiya məqsədilə menovazindən istifadə edilə bilər. 

 

Haymorit xəstəliyində menovazin ağrıları, şişkinliyi aradan qaldırır. Bunun üçün ağrı olan nahiyəyə menovazinlə yüngül masaj etmək lazımdır. Preparatın təsirini gücləndirmək üçün həmin nahiyəyə bir neçə qat tənzif parçası örtün. 

Bu heç də xoş olmayan, amma babasildən yaxa qurtarmağın ən effektiv yoludur. Baş barmağınıza bint dolayın, onu menovazində isladaraq anal dəliyə salın. Bu proseduru gündə 1 dəfə olmaqla 5 gün etsəniz, babasildən tamamilə yaxa qurtara bilərsiniz. 

 

Əgər dodaqlarınız uçuqlayıbsa, o zaman üzərinə menovazində isladılmış pambıq qoyun və ya menovazin mazı çəkin. 

 

Öskürək zamanı sinənizə və kürəyinizə menovazin çəkərək yatın. 3-4 dəfə sonra öskürəyin kəsildiyini görəcəksiniz.

 

Radikulit zamanı ağrıyan nahiyəyə menovazin çəkin. Bu xəstənin vəziyyətini nisbətən yüngülləşdirəcək. 

 

Oynaqlarda duz yığıldığı zaman menovazini oynaqlarınıza çəkin. Bu, həm ağrını aradan qaldıracaq, həm də oynaqların duzlardan təmizlənməsinə səbəb olacaq.