Əksər balıqların mənşəyi bəlli deyil və onlar qida kimi təhlükəlidir…

Milli Məclisin Aqrar siyasət komitəsində keçirilən iclasda millət vəkili cavanşir paşazadəbildirib ki bununla bağlı nəzarət gücləndirilməlidir.

İclasda "Fitosanitar nəzarəti haqqında", "Meliorasiya və irriqasiya haqqında", "Balıqçılıq haqqında" və digər bir neçə qanun layihəsinə dəyişiklərin müzakirəsi aparılıb. Təklif edilən dəyişikliyə əsasən, dövlət sərhədinin buraxılış məntəqələrindən keçirilmiş yüklərə fitosanitar nəzarəti gömrük orqanları ilə birlikdə Qida Təhlükəsizliyi Agentliyi də həyata keçirəcək.

Sonra isə Elm və təhsil komitəsinin iclası keçirilib. İclasda "Ümumi təhsil haqqında" , "Hərbi vəzifə və hərbi xidmət haqqında", "Məktəbəqədər təhsil haqqında" və bir neçə qanun layihələrinə dəyişiklər müzakirə edilib. Bildirilib ki, hazırda ölkədə 6 minə yaxın uşaq autizmdən əziyyət çəkir. Bu uşaqların da təhsil almasında ciddi problemlər var.

Qanun layihələri Milli Məclisin Plenar iclasına tövsiyə edilib.