Qırıcıların noybardan sonra göndəriləcəyi bildirilir.

Bu barədə ABŞ Müdafiə Nazirliyinin nəzdində Müştərək Hücum Təyyarəsi (JSF) Proqramı ofisinin mətbuat katibi CO DellaVedova informasiya verib. O bildirib ki, hər iki qırıcı Texas ştatındakı Kule Hava Qüvvələri bazasına göndəriləcək və təlim üçün Türkiyə Hava Qüvvələri heyətinin xidmətinə veriləcək.

 

Qırıcıların nə zaman Türkiyəyə təhvil veriləcəyi isə son hazırlıqlar, hava şəraiti, texniki vəziyyət və uçuş proqramı kimi faktorlar olduğuna görə konkret olaraq açıqlanmır. Proqramın şərtlərinə görə, qırıcılar ABŞ-da 1-2 il təlim uçuşlarını tamamladıqdan sonra Türkiyəyə göndərilməlidir.

Qeyd edək ki, hazırda sözügedən bazada 2 F-35 qırıcısı var.

Xatırladaq ki, ABŞ Türkiyəni Rusiyadan S-400 zenit raket konpleksi almasına görə, F-35 təyyarələrini göndərməyəcəyi ilə təhdid etmişdi. Konqres ötən ay qəbul etdiyi və ABŞ prezidenti Donald Trampın imzaladığə büdcə layihəsində də Pentaqonun Türkiyə ilə bağlı hesabatını yeniləməsini, hesabatın ən gec noyabr ayına qədər Konqresə təqdim edilməsini və o zamana qədər Türkiyəyə F-35 qırıcılarının göndərilməməsini tələb etmişdi. Konqresdə hələ də Rusiyadan silah almasına görə Türkiyənin F-25 proqramından çıxarılmasına dair müzakirələr aparılır.

Türkiyə F-35 proqramında əhəmiyyətli pozisiyaya malikdir. Ankara şaquli qalxma və enmə qabiliyyətinə malik olan bu qırıcılardan 100 ədəd almaq niyyətindədir./publika.az