Maliyyə Nazirliyinin məlumatına görə, bu il iyulun 1-də bu rəqəm 8 milyard 920.0 milyon ABŞ dolları (15 milyard 164.1 milyon manat) olub.

Nazirliyin açıqlamasında qeyd edilir ki, bunun Ümumi Daxili Məhsula (ÜDM) olan nisbəti 19 faiz təşkil edib.

Bu il yanvarın 1-də Azərbaycan xarici dövlət borcu 8 milyard 927.1 milyon ABŞ dolları olmuşdu.

Son bir ildə də xarici borcda azalma var. Maliyyə Nazirliyinin açıqladığı statistikaya görə, bir il əvvəlin eyni dövründə xarici dövlət borcu indikindən təqribən 700 milyon dollar çox, 9 milyard 600.2 milyon ABŞ dolları olub. Amma iki il əvvəlin eyni dövrü ilə müqayisədə xarici dövlət borcu 2 milyard dollara yaxın artıb. Onda Azərbaycan dövləti Azərbaycan Beynəlxalq Bankının borcunun bir hissəsini üzərinə götürmüşdü.

«Xarici dövlət borcu beynəlxalq maliyyə institutlarından infrastruktur layihələri və maliyyələşmə proqramları üçün cəlb edilmiş kreditlərdən, həmçinin, beynəlxalq maliyyə bazarlarında yerləşdirilmiş qiymətli kağızlardan ibarətdir», – Maliyə Nazirliyi qeyd edir.