AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Vəzifəli şəxsə verilməli olan gizli qutu və müəmmalı 105 min dollar: Nərimanov tanışını niyə güllələyib?


Tarix 24.11.19, 14:00	Font ölçüsü : - / +

Bakıda tanışını güllələyən şəxs hakim qarşısına çıxarılıb. Prokuror həbs edilən şəxsə ağır cəza istəyib. Hadisənin ilginc səbəbləri var.

Musavat.com xəbər verir ki, Bakı Ağır Cinayətlər Məhkəməsində qəsdən adam öldürməyə cəhddə ittiham edilən 1969-cu il təvəllüdlü Rafət Abış oğlu Nərimanovun cinayət işi üzrə məhkəmə iclası keçirilib.

Hakim Əlövsət Abbasovun sədrliyi ilə keçirilən məhkəmə iclasında prokuror çıxış edib. Dövlət ittihamçısı törətdiyi əmələ görə Rafət Nərimanovun 18 il müddətinə azadlıqdan məhrum edilməsini istəyib.

Rafət Nərimanov Cinayət Məcəlləsinin 29.120.1-ci (qəsdən adam öldürməyə cəhd) və 179.3.2-ci (mənimsəmə; külli miqdarda törədildikə) maddələri ilə ittiham edilir. İttihama görə, Rafət Nərimanov 1962-ci il təvəllüdlü Nizami Teymur oğlu Qasımova odlu silahdan 4 dəfə atəş açıb. Buna səbəb tanışların pul məsələsinə görə aralarında yaranmış mübahisə olub.

Belə ki, ittihamda göstərilir ki, Nizami Qasımov tanışı Rafət Nərimanova saxlaması üçün 105 min dollar pul verib. Lakin Rafət Nərimanov sonradan pulu geri qaytarmayaraq mənimsəyib. Bu səbəbdən tərəflər arasında yaşanan mübahisə zamanı Rafət Nərimanov özünə məxsus odlu silahla Nizami Qasımova atəş açıb. Xəstəxanaya çatdırılan N.Qasımovun həyatını xilas etmək mümkün olub.

Elan olunmuş ittihamla Rafət Nərimanov özünü qismən təqsirli bilib. Deyib ki, Nizami Qasımovu öldürmək niyyəti olmayıb. O, iddia edir ki, Nizami Qasımov ona 105 min dollar pulu verməyib.

Rafət Nərimanov ifadəsinə bunları əlavə edib: "Nizaminin evindən oğurluq edilmişdi. O da mənə bağlı bir qutu gətirdi. Dedi ki, içində bahalı hədiyyə var. Mən də aparıb evdə saxladım. Sonra qutunu məndən istəyəndə özünə təhvil verdim. Mənə içərisində pul olduğunu deməmişdi. Mənə dedi ki, qutuda olan 105 min dollar yoxdur. Buna görə də mübahisə elədik. Məni özümdən çıxardı. Mən də onu qorxutmaq üçün atəş açdım".

Rafət Nərimanovun vəkili də məhkəmədə müdafiə çıxışı edib. Vəkil müdafiə çıxışında bildirib ki, təkrar ekspertiza keçirilməli və ibtidai istintaqı aparan müstəntiq məhkəməyə çağırılaraq dindirilməlidir.

Müdafiəçi qeyd edib ki, hadisə yerindən 4 giliz tapılsa da maşında 2 güllə izi var: "Maşına iki güllə dəyməsini sübut edən ekspertiza rəyi var. Zərərçəkmiş şəxsə güllə də dəyməyib. Şahidlərdən biri də qeyd etdi ki, hadisə yerinə çağırılan təcili tibbi yardım zərərçəkmişə heç bir yardım göstərməyərək gedib. Belə olan halda hansı adam öldürməyə cəhddən söhbət gedə bilər? Müdafiə etdiyim şəxs də bildirir ki, məqsədi zərərçəkən şəxsi qorxutmaq olub və havaya atəş açıb".

Vəkil tərəflər arasında baş vermiş insidentə səbəb olan hadisədən də danışıb. O, bildirib ki, Nizami Qasımov müdafiə etdiyi Nərimanova vermədiyi 105 min dolları tələb edib: "İndiki zamanda heç kim başqasına saymadan min manat belə, vermir. Amma zərərçəkmiş iddia edir ki, Nərimanova 105 min dollar verib. İlk ifadəsində qutuda pul olmadığını deyib. Bildirib ki, bahalı hədiyyə olub və Rafətdən xahiş edib ki, qutunu öz evində saxlasın. Çünki bir müddət əvvəl Nizami Qasımovun evindən oğurluq edilmişdi. Nizami Qasımov da deyib ki, vəzifəli şəxsə veriləcək həmin hədiyyəni Rafət evində saxlasın. Hətta Nizami Qasımovun ifadəsindən aydın olur ki, o, bir dəfə şübhə edərək Rafətdən qutunu istəyib. Lakin sonradan qutunu ona yenidən qaytarıb. Maraqlıdır ki, onda da qutuda pul olduğunu deməyib. Reallıqdan danışmaq lazımdır. Əgər Nizami Qasımov Rafət Nərimanova etibar edib, ona saxlaması üçün pul verirdisə, niyə etibar edib qutunun içərisində 105 min dollar olduğunu deməyib? Bir dəfə şübhə etmişdisə, niyə qutunu geri alanda heç olmasa, pulu yenidən saymırdı? Düşünürəm ki, ittiham əsassızdır. Buna görə də müdafiə etdiyim şəxsə qarşı elan olunmuş ittihamlarla bəraət verilməlidir".

Rafət Nərimanov isə son söz üçün məhkəmədən vaxt istəyib.

Xəbərin oxunma sayı : 478