Halbuki bu şəxs törətdiyi ciddi maliyyə fırıldaqlarına görə barəsində cinayət işi qaldırılıb: “Adam Avropaya gəlib müsavatçı və AKM-in üzvü olub. AKM-in aksiyalarında iştirak edir. Buna baxmayaraq, onun qaynı Bəxtiyar Osmanov Xaçmaz rayonu İH-nin başçısının müavini vəzifəsində qalıb və işini davam etdirir. Bu, necə olur?"

Bu statusun altında geniş müzakirə aparılıb. Şərh yazanlardan biri də Hollandiyada yaşayan mühacir Eldəniz Yusifov olub. O, T.Yaqubluya aşağıdakı formada etiraz edib: "Qəribə məntiqin var ey, Tofiq bəy. Bir tərəfdən müraciət edirsiniz ki, polis xalqin tərəfinə keçsin, bir tərədən də belə əcaib düşüncə. Elədirsə, çevril bir Milli Şuranın yanında dayanan Gültəkin xanıma bax. O, haradan gəlib? Sənin qarnının ağrısı bəllidir. Özünü belə məsələlərdə ucuz yerə xərcləmə".

Müzakirəyə qoşulan mühacir jurnalist Yafəz Həsənov isə aşağıdakıları yazıb: "Kimsə iqtidardan müxalifәtә keçib, mübarizәyә qoşula bilәr, bu normaldı. Mәsәlәn, Rüfәt Sәfәrov kimi. Öz әrizәsiylә işdәn çıxdı, mübarizәyә qoşuldu, iki dәfә hәbs olundu, indi dә tәqib olunur. Ancaq kimsә işdәn çıxarılıb, Avropaya gәlir (yaxud göndәrilir), siyasi mühacirәt statusu almaq üçün müsavatçı vә AKM-çi olursa, demәk ortada bir әmma var. Müsavat belәlәrini niyә qәbul edir?"

Partiya başqanlığına eks namizəd Yadigar Sadıqlı isə bu məsələyə ironik yanaşmağa üstünlük verib: "Burada nə var axı? Polis olub, burada xalqa divan tutub, ayağı Avropaya dəyən kimi haqq yoluna gəlib. Qəribə adamsınız ey, Tofiq bəy".

Y.Sadıqlı eyni zamanda belə bir şəxsin partiya sıralarına qəbulunu xatırlamadığını deyib: "Maraqlıdır, nə vaxt qəbul olunub partiyaya. Mən keçmiş polis zabitinin qəbulunun Divanda müzakirə olunmasını xatırlamıram".

Müsavat Partiyası fəallarından olan Səxavət Soltanlı isə T.Yaqubluya etiraz edib: "Tofiq Yaqublu bir sıravi Müsavat AKM üzvünün "uçaskovı" keçmişini kompromat kimi təqdim edib bizi günahlandırmağa çalışır.

Göründüyü kimi, hazırda bələdiyyə seçkiləri kampaniyasının başladığı və eləcə də yaxın aylarda parlament seçkilərinin keçiriləcək, lakin bunun qarşılığında ölkənin ən böyük müxalifət partiyalarından biri hələ də “mühacir biznesi” ittihamlarından qurtula bilmir.

Bir qədər əvvəl Almaniya polisi bir neçə azərbaycanlını mühacir alveri itihamı ilə həbs edib. Bu qrupda Müsavat Partiyasının rəhbərliyinin Almaniyada yaratdığı Müsavat Avropa Koordinasiya Mərkəzi (AKM) üzvlərinin də adı hallanır. Partiya rəhbərliyi isə bu ittihamları rədd etsə də, şübhələri aradan qaldıracaq əsaslı dəlillər ortaya qoya bilmir.

Qeyd edək ki, Müsavat Partiyası ilə yanaşı daha bir neçə siyasi partiyanın və təşkilatın adı Avropada mühacir biznesində hallanır. Belə görünür ki, siyasi partiyalarda olan bəzi dəllallar cəmiyyəti siyasi mübarizə adı ilə aldadıb faktiki olaraq insan alveri hesab olunan mühacir biznesi ilə məşğul olub, pul qazanıblar.