AzFakt

Deputat Ülvi Quliyev Nəsimi rayonunda torpaq zəbt edib? - FOTOLAR

Digərlərinin ağlı ilə hərəkət edən Ermənistan - VİDEO

“Ermənistan müharibəyə təhrik edilir“ - DTX rəisi kəşfiyyat məlumatlarını açıqladı

Ərdoğan Qərbi belə mat etdi – Türk əsri başlayıb

Fəxri Kazımov nüfuzlu şəxsləri Taleh Kazımovla Elnur Əliyevə minnətçi salır - Vəzifədə qalmaq üçün

Bəxtiyar Əsgərov məsələsi Fuad Nəcəflini çətin duruma salıb - Naxçıvana ardı-arası kəsilməyən zənglər...

Samir Şərifov Bakıda biznes mərkəzi tikdirir? - FOTOLAR

Pekin dünya üçün “Çin şoku” hazırlayır – Bazarları ucuz məhsulları ilə dolduracaq

Eldar Əzizovun “tender camaşırxanası“: Mirzəyevlə Mehralıyevin “it yemi satınalması“

“Xocalı qurbanlarının qisasını aldıq!“ - Prezidentin Xocalıdakı çıxışı (FOTOLAR)

Yüz milyon büdcəsi olan Dövlət Fondunu kimlər idarə edir? - Araşdırma

MSK növbədənkənar prezident seçkilərinə yekun vurdu - İlham Əliyev 92,12 % səslə qalib oldu

Bir qərinəlik sədrin müəmması - Vahid Novruzovun Auditorlar Palatasında baş verənlərdən xəbəri yoxdur?

İrəvan bu istiqamətdən savaşa başlayacaq - Fransanın Azərbaycanla bağlı sensasiyalı planı (VİDEO)

Xüsusi təyinatlıların komandiri, şəhid Kənanın həyat yoldaşı: “Erməni dilini mükəmməl bilirdi“


Tarix 01.12.20, 1:26	Font ölçüsü : - / +

Torpaqlarımızın işğaldan azad edilməsi uğrunda qəhrəmancasına vuruşaraq şəhid olan hərbçilərimizdən biri də Xüsusi Təyinatlı Qüvvələrin zabiti Kənan Məmmədovdur. Erməni, ingilis, rus, türk dillərində danışa bilən Kənan, həyat yoldaşı Günel Məmmədovanın sosial şəbəkələrdə paylaşım etməsindən sonra daha çox tanındı.

Azərbaycan Ordusunun zabiti Kənan Məmmədov barəsində Yeniavaz.com-a danışan həyat yoldaşı Günel Məmmədova Kənanın müharibəyə çox həvəslə getdiyini bildirib:

"Həmişə deyirdi ki, bu torpaqları canımızı da versək alacağıq. Elə də oldu, canları bahasına Qarabağı azad etdilər. Kənan, Murovdağa ilk ayaq basanlardan biri olub. O, ən öndə gedənlərdən idi. Yoldaşım bir çox tapşırıqların yerinə yetirilməsində də qəhrəmancasına iştirak edib. 02.10.2020-ci il tarixində şəhidlik zirvəsinə ucalıb".

Kənan Niftalı oğlu Məmmədov 1993-cü il 22 oktyabrda Ucar rayonunun Alpout kəndində anadan olub. 2000-ci ildə Alpout kənd 2 saylı orta məktəbinin 1-ci sinfinə gedib. 2011-ci ildə həmin məktəbi bitirərək hərbi xidmətə yollanıb. Kənan xidməti boyunca dəfələrlə təşəkkürnamələrlə təltif olunub. 1 il 6 aylıq hərbi xidməti bitirdikdən sonra Bakı Dövlət Universitetinin Filologiya fakültəsinin Rus dili ədəbiyyatı bölməsinə qəbul olub. 2017-ci ildə universiteti əla qiymətlərlə bitirib. Kənan kiçik yaşlarından rus dilini də ana dili kimi bilib. Bundan başqa Kənan ingilis, erməni, türk dillərini də mükəmməl öyrənib.

Kənan ixtisasca filoloq olsa da, xəyalı həmişə hərbçi olmaq olub. 2017-ci ildə öz arzusunu gerçəkləşdirmək üçün Müdafiə Nazirliyinin Təlim Tədris Mərkəzinə daxil olub. Mərkəzi birinciliklə bitirərək fəxri fərman alıb. Leytenant rütbəsi alan Kənan Məmmədov tağım komandiri kimi ön cəbhəyə ezam olunub. Xidməti boyunca bir çox kurslarda və təlimlərdə iştirak edib. Paraşütdən sərbəst tullanma, SAT və digər kurslarda istedadı ilə seçilənlərdən biri olub.

Günel Məmmədova deyir ki, Kənan Qarabağın azad olunması eşqilə Xüsusi Təyinatlı Qüvvələrin kursuna yazılıb:

"Bilənlər bilir, bu kursun iştirakçıları müxtəlif çətin imtahanlardan keçirlər. 5 aylıq kursu həmişəki kimi Kənan fərqlənmə ilə bitirib. Bu kursu bitirdikdən sonra Müdafiə Nazirliyinin əmrinə əsasən N saylı hərbi hissədə Xüsusi Təyinatlı qrupunun komandiri vəzifəsinə təyin olunub. O, döyüş taktikasına mükəmməl və dərindən yiyələnən zabitlərdən idi".

Allah rəhmət eləsin!