AzFakt

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Büdcəyə quyu qazanlar - Füzuli rayon Mərkəzi Xəstəxanası “Otkat“ əməliyyatı...

Liderlər Ağ Evdə tarixi sazişi imzaladı - Birgə Bəyannamənin TAM MƏTNİ

Britaniyada Mahmudovlarla bağlı qalmaqal - Vəkillərinə rekord cərimə kəsildi...

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

Putinin “qonaqpərvərliyi”... - Və ya üçtərəfli görüşün təşkilində sual doğuran məqamlar


Tarix 11.01.21, 18:59	Font ölçüsü : - / +

Yanvarın 11-də Moskvada Azərbaycan, Ermənistan və Rusiya rəhbərlərinin iştirakı ilə keçirilən üçtərəfli görüşün başlanğıcında Vladimir Putinin nitqindən tutmuş danışıqlar masasına, eləcə də həmin məkanın tərtibatına qədər bir çox sual doğuran məqamlara rast gəlindi.

İlk növbədə nə danışıqların keçirildiyi zalda, nə də masanın üzərində Azərbaycan və Ermənistan bayraqlarının olmaması diqqət cəlb etdi. Həmin zalda yalnız Rusiyanın bayrağı var idi, baxmayaraq ki, görüş üç ölkə liderlərinin iştirakı ilə keçirilirdi.

Adətən, beynəlxalq protokollara görə, belə yüksək səviyyəli görüşlərdə bütün iştirakçı dövlətlərin bayraqları mütləq hansısa formada olmalıdır. Ancaq görünür, görüşün təşkilatçıları adi protokol qaydalarına riayət etməyi “unudublar”.

Bu mənzərə haqlı olaraq, əksər ictimai fəalların və sosial şəbəkə istifadəçilərinin nəzərindən qaçmayıb. Görüş zalının bu cür tərtibatı və orada yalnız Rusiya bayrağının olması bir növ Azərbaycana və Ermənistana qarşı hörmətsizlik kimi qarşılanıb.

Doğrudur, Ermənistan zatən Rusiyanın forpostudur və bu mənzərə onlar üçün adi görünə bilər. Lakin Ermənistandan fərqli olaraq, Azərbaycan bu münasibətə layiq deyil.

Eyni zamanda, ölkə rəhbərlərinin masa arxasındakı düzülüşü də birmənalı qarşılanmayıb. Belə təəssürat yaranıb ki, görüşün təşkilatçıları bununla Rusiyanın üstün mövqeyi və əsas söz sahibi olduğunu qabartmaq istəyiblər...

Həmçinin, görüşün birinci rəsmi hissəsində yalnız Vladimir Putinin danışması, Azərbaycan və Ermənistan rəhbərlərinə isə bu imkanın verilməməsi də birmənalı qarşılanmayıb.

Ola bilsin ki, onlara söz verilməməsi əvvəlcədən tərəflər arasında razılaşdırılıb. Ancaq istənilən halda, bu məqam da nəzərdən qaçmayıb və yuxarıda sadaladıqlarımız ümumilikdə “ev sahibi” Rusiyanın “yüksək qonaqpərvərliyinin” göstəricisi kimi dəyərləndirilə bilər.

Hər necə olsa, üzdə görünən və formal xarakter daşıyan adi protokol qaydalarına belə riayət edilməməsi Rusiyanın obyektiv, bərabərhüquqlu, ədalətli tərəfdaş və vasitəçi rolunu kölgə altına alır.

Zatən MDB məkanında Moskvanın sülhməramlı, yaxud vasitəçi misssiyalarının tarixçəsi və “nəticələri” yaxşı məlumdur. Elə buna görə Rusiyanın Qarabağla bağlı missiyasına da etibar edənlərin, buna müsbət yanaşanların sayı çox deyil.

Ancaq digər yandan heç olmasa adi protokol qaydalarına, beynəlxalq diplomatik etiketlərə belə riayət etməyən bir ölkə, ilk növbədə elə özünü aşağılamış olur və ona kimsənin etimadla yanaşmasını mümkünsüz edir.

Məhz buna görə də ərazisi nə qədər geniş, hərbi cəhətdən nə qədər güclü olsa da, Rusiya böyük dövlət ola bilmir!

“AzPolitika.info”

Xəbərin oxunma sayı : 976