AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Notariusdan məhkəmədə ŞOK ETİRAF: 350 min manatı özümə xərclədim


Tarix 10.09.26, 20:26	Font ölçüsü : - / +

Bu gün Bakı Ağır Cinayətlər Məhkəməsində hakim Azər Tağıyevin sədrliyi ilə külli miqdarda mənimsəmədə ittiham olunan Sabunçu qəsəbəsi 4 saylı notariat ofisinin xüsusi notariusu Səbuhi Əliyevin cinayət işi üzrə məhkəmə prosesi keçirilib.

Lent.az xəbər verir ki, dövlət ittihamçısı ittiham aktını elan edib.

Təqsirləndirilən Səbuhi Əliyev ona qarşı irəli sürülən ittihamlar üzrə özünü qismən təqsirli bildiyini deyib. Məhkəmə daha sonra onun ifadəsi ilə davam edib. Səbuhi Əliyev bildirib ki, “Azərişıq” ASC ilə arasında yaranan maliyyə problemi səhmdar cəmiyyətin həyata keçirmək istədiyi 5 milyon manatlıq layihənin alqı-satqısı prosesi zamanı ortaya çıxıb. Onun sözlərinə görə, “Azərişıq” ASC-nin həmin layihənin həyata keçirilməsi üçün depozitdə saxladığı 350 min manatı şəxsi məqsədləri üçün xərcləyib. S.Əliyev həmin məbləği 14 gün ərzində geri qaytarmağı planlaşdırdığını, lakin qarşı tərəfin pulu vaxtından əvvəl tələb etməsi səbəbindən bunu edə bilmədiyini bildirib.

“Razıyam ki, əvvəldən belə olmamalı idi. Amma məsələni dramatikləşdirən qarşı tərəfin bir gün içində qoyduğu tələb oldu. Bu vəziyyətə gətirmək kimə nə verdi ki? Nazirlik araşdırmadan dərhal prokurorluğa məlumat verdi. Sadəcə burada bir-birimizi anlamamağımız işi bu yerə gətirdi”, - deyə təqsirləndirilən şəxs bildirib.

Növbəti məhkəmə prosesi sentyabrın 24-ü saat 12:00-a təyin olunub.

Xatırladaq ki, Ədliyyə Nazirliyində aparılan daxili araşdırma zamanı Səbuhi Əliyevin külli miqdarda vəsaiti mənimsəməsinə əsaslı şübhələr yarandığından toplanmış materiallar hüquqi qiymət verilməsi üçün prokurorluq orqanlarına göndərilib.

Baş Prokuror yanında Korrupsiyaya qarşı Mübarizə Baş İdarəsinin ilkin araşdırması ilə Səbuhi Əliyevin vəzifə səlahiyyətlərindən sui-istifadə etməklə külli miqdarda vəsaiti mənimsədiyi müəyyən edilib. Ona Cinayət Məcəlləsinin 179.3.2-ci (külli miqdarda mənimsəmə) və 313-cü (vəzifə saxtakarlığı) maddələri ilə ittiham verilib.

Səbuhi Əliyev barəsində əvvəlcə “polisin nəzarəti altına vermə” qətimkan tədbiri seçilib. 2026-cı il iyulun 30-da Bakı Ağır Cinayətlər Məhkəməsində keçirilən hazırlıq iclasında məhkəmə dəymiş ziyandan hər hansı ödəniş edilməməsini əsas gətirərək onun məhkəmə zalında həbs olunmasına qərar verib.

Məhkəmədə təqsiri sübuta yetirilərsə və dəymiş ziyan ödənilməzsə, Səbuhi Əliyevi 5 ildən 10 ilədək həbs cəzası gözləyir.

Bildirilir ki, Səbuhi Əliyev 2010-cu ildə hüquq üzrə fəlsəfə doktoru elmi dərəcəsi alıb və hüquqşünas alimdir.

Xəbərin oxunma sayı : 1210