Virtualaz.org-un məlumatına görə, bu sözləri Azərbaycan Prezident Administrasiyasının rəhbərinin müavini, Xarici əlaqələr şöbəsinin rəhbəri Novruz Məmmədov özünün facebook şəbəkəsindəki səhifəsində yazıb.

“Nazirliklər bu addımları ölkə başçısının tapşırığından sonra atdıqlarını qeyd etsəydilər, onda ədalətli olardı”, - deyə Novruz Məmmədov bildirib.

Virtualaz.org xatırladır ki, Azərbaycanın Ermənistan tərəfindən işğal olunmuş ərazilərində yaradılmış qondarma rejim adından fəaliyyət göstərən “С хлебом и солью” və “DeleYaman” KVN komandaları yanvarın 10-23-də Soçidə keçirilən 28-ci Beynəlxalq KVN festivalında iştirak etməyə cəhd göstərmişdilər.

Ancaq Azərbaycanın Gənclər və İdman, eləcə də Xarici İşlər nazirliklərinin müraciətindən sonra həmin komandalar diskvalifikasiya olundular.