New York Daily News xəbər verir ki, bu barədə şəhər polisinin komissarı Ceyms O`Nil bəyanat yayıb.

Polis əməkdaşları miqrant xidmətinin federal məmurlarının vətəndaşların kütləvi deportasiya üzrə verdiyi orderi icra etməyəcəklər.

“Hər bir vətəndaş, mühacir olub-olmamasından asılı olmayaraq, qorxusuz bizə müraciət edir. Bu bizim üçün çox önəmlidir. Nyu-York polisi immiqrasiya üzrə vətəndaş qanunlarını icra etməyə məcbur deyil. Bizim idarəmiz gömrük və miqrasiya xidmətlərinin əməkdaşları tərəfindən verilmiş, miqrasiya üzrə qanun pozuntularına aid inzibati orderləri icra etmir ” - departamentin əməkdaşlarına göndərilən yazılı müraciətdə belə qeyd olunub.