Enerjidən yata bilmirəm... - Müğənni Aygün Ağayeva Dünyanın ən gözəl qadınının adı açıqlanıb - FOTOLAR Türkan dəyişib belə oldu - FOTO Küsülü olan azərbaycanlı məşhurlar - SİYAHI
Axtar
 
  • / Maqazin / — 26 Mart 2024

    Enerjidən yata bilmirəm... - Müğənni Aygün Ağayeva

  • / Maqazin / — 10 Mart 2024

    Dünyanın ən gözəl qadınının adı açıqlanıb - FOTOLAR

  • / Maqazin / — 09 Mart 2024

    Türkan dəyişib belə oldu - FOTO

  • / Maqazin / — 07 Mart 2024

    Küsülü olan azərbaycanlı məşhurlar - SİYAHI

  • / Maqazin / — 05 Mart 2024

    Xatirə qırmızıya büründü - Fotolar

  • / Maqazin / — 18 Fevral 2024

    “Məni bəyənməyənlər zövqsüzdür...” - Nura Suri

Oğan: MHP yox olacaq, Türkiyə federasiyaya çevriləcək - Video

Tarix 11.01.17, 19:58

Font ölçüsü : - / +
bitmap-img6


Türkiyə millətçilərinin demək olar ki, heç biri ölkənin prezident idarəetmə üsuluna keçməsini istəmir.

Axar.az xəbər verir ki, bunu Türkiyənin KRT televiziyasına müsahibəsində əslən Azərbaycan türkü olan türkiyəli eks-deputat Sinan Oğan söyləyib. Oğan bu konstitusiya dəyişikliyinin Milliyətçi Hərəkat Partiyasının yox olmasına şərait yaradacağını bildirib:

“Millətçilər parlamentar sistemi dəstəkləyir. Konstitusiya dəyişikliyi aşkar sistem dəyişikliyidir. Sizə MHP-nin qapısına qıfıl vurma səlahiyyətinə sahib olacaq sistemdən bəhs edirəm. Prezidentlik sistemi ikipartiyalı sistem deməkdir. Prezident sistemi ilə əlaqəli iki sətir, iki məqalə oxuyan hər kəs bilir ki, prezidentlik sisteminin iki şərtindən biri ikipartiyalı sistemdir. Dolayısı yolla MHP sabah bu ikipartiyalı sistem içərisində əriyib gedəcək. Ona görə ki, MHP artıq Türkiyənin dördüncü partiyasıdır. Hökumətin əsas məqsədi HDP ilə (Xalqların Demokratik Partiyası – red.) birgə ölkəyə federal sistemi gətirməkdir. Sabah bir qərarnamə ilə ölkəni federasiyaya çevirməyəcəklərinin qarantı yoxdur. Tezliklə muxtar bölgələrin gündəmə gələcəyi mümkündür. Siz prezidentə demək olar ki, sərhədsiz səlahiyyətlər verirsiniz. Əgər sabah prezident desə ki, bu vilayətləri birləşdirib bir bölgə edək, o zaman ona qarşı dayanacaq mexanizminiz olacaq? Təbii ki, yox”.

Eks-deputat həmçinin konstitusiya dəyişikliyinin ölkədə terrora son qoymayacağını bildirib. Onun fikrincə, əslində hökumət terror adından öz mövqelərini gücləndirmək üçün istifadə edir:

“Doğrudur, Türkiyə terrorla mücadilə edir. PKK terrorunu biz 2002-də iqtidarı təhvil verdiyimizdə yox etməmişdik? Məhv etmişdik. Kim onları yenidən oyandırdı? Həll prosesini (kürd açılımı nəzərdə tutulur – red.) kim gətirdi? Həll prosesində “terrorçulara toxunmayın” əmrini kim vermişdi? AKP verdi. İŞİD-i başımıza kim bəla etdi? “Əsədi devirəcəyik” deyə, Türkiyə terrorçuların karvansarayına çevrildi. Terrorun qarşısını almaq üçün 15 ildə AKP hansı qanunu istəyib əldə edə bildi? FETÖ-nu bu ölkənin başına AKP gətirmədimi? İndi bu partiyaya böyük dəstək verərək, terrorun qarşısını necə alacaqsınız?”

Qeyd edək ki, Sinan Oğan bundan öncə MHP sədrliyinə namizədliyini irəli sürdüyü üçün partiyadan uzaqlaşdırılıb.

Türkiyədə son günlər konstitusiya dəyişikliyi müzakirə edilir. Dəyişikliyə əsasən, ölkə prezident idarəetmə üsuluna keçməli, prezidentin səlahiyyətləri artırılmalıdır. Dəyişikliyi AKP və MHP dəstəkləyir. CHP və HDP isə buna izn verməyəcəklərini deyirlər.

<iframe width="660" height="390" src="https://www.youtube.com/embed/VGT1E8VkeAA" frameborder="0" allowfullscreen></iframe>






Xəbərin oxunma sayı : 154




Dünya

Xəbərlər

ARXİV
Əlaqə | Haqqımızda  
Buy website traffic cheap