AzFakt.com-a daxil olan məlumata görə, Azərbaycan Prezidenti tərəfindən 28 fevral 2019-cu il tarixində təsdiq edilmiş "Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında” Fərmandan irəli gələn müraciətlərin araşdırılması məqsədi ilə Maliyyə Bazarlarına Nəzarət Palatasında Apelyasiya Komissiyası yaradılıb. Fəaliyyətə başladığı dövrdən Apelyasiya Komissiyasına çoxsaylı müraciətlər daxil olmaqdadır.

Bildiririk ki, daxil olan müraciətlərə "Vətəndaşların müraciətləri haqqında” Azərbaycan Respublikasının Qanununa uyğun olaraq 15 iş günü, əlavə öyrənilmə və yoxlanılma tələb olunduqda 30 iş günü müddətində baxılır. Müraciətə baxılması üçün əlavə məlumatların əldə edilməsi və ya aidiyyəti üzrə sorğu göndərilməsi tələb edilən hallarda isə bu müddət 30 iş günü uzadıla bilər.