Enerjidən yata bilmirəm... - Müğənni Aygün Ağayeva Dünyanın ən gözəl qadınının adı açıqlanıb - FOTOLAR Türkan dəyişib belə oldu - FOTO Küsülü olan azərbaycanlı məşhurlar - SİYAHI
Axtar
 
  • / Maqazin / — 26 Mart 2024

    Enerjidən yata bilmirəm... - Müğənni Aygün Ağayeva

  • / Maqazin / — 10 Mart 2024

    Dünyanın ən gözəl qadınının adı açıqlanıb - FOTOLAR

  • / Maqazin / — 09 Mart 2024

    Türkan dəyişib belə oldu - FOTO

  • / Maqazin / — 07 Mart 2024

    Küsülü olan azərbaycanlı məşhurlar - SİYAHI

  • / Maqazin / — 05 Mart 2024

    Xatirə qırmızıya büründü - Fotolar

  • / Maqazin / — 18 Fevral 2024

    “Məni bəyənməyənlər zövqsüzdür...” - Nura Suri

Palatadan fond direktoruna zərbə! – “Qanunsuz bizneslə məşğul olur”

Tarix 22.07.17, 1:11

Font ölçüsü : - / +
bitmap-img6


“Finex Kredit” bank olmayan kredit təşkilatının manatla, illik 24 faiz gəlirlilik vəd edən istiqrazları dövlət qeydiyyatına alınmayıb.

Bu barədə Maliyyə Bazarlarına Nəzarə Palatasından “Marja”ya göndərilmiş məktubda bldirilir.

“Finex Kredit” BOKT ASC tərəfindən qanunvericiliyin tələbləri pozulmuşdur. Belə ki, dövlət qeydiyyatına alınmamış manatla, illik 24 faiz gəlirlilik vəd edən korporativ istiqrazların satışı müxtəlif kütləvi informasiya vasitələrilə reklam edilir. Dövlət qeydiyyatına alınmamış istiqrazların bütün növ reklamları dərhal dayandırılmalıdır”,- məktubda qeyd olunur.

Həmçinin bildirilir ki, “Qiymətli kağızlar haqqında” Azərbaycan Respublikasının Qanunun 3.5.3-cü maddəsinə əsasən investisiya qiymətli kağızların emissiyası üçün Maliyyə Bazarlarına Nəzarət Palatası bu kağızların buraxılışını dövlət qeydiyyatına almalı, emissiya prospektini və ya informasiya memorndumunu təsdiq etməlidir. Həmçinin Qanunun 7.3-cü maddəsinə əsasən maliyyə bazarlarına nəzarət orqanının təsdiq etmədiyi emissiya prospektinin açıqlanmasına və reklam edilməsinə yol verilmir. Bundan əlavə “Reklam haqqında” Qanunun 33.23-cü maddəsinə əsasən, buraxılışı maliyyə bazarlarına nəzarət orqanının qeydiyyatından keçməmiş qiymətli kağızların reklamına yol verilmir

Qeyd edək ki, FİNEX İstiqrazları kredit təşkilatının filiallarında satılır. Reklamlarda bildirilir ki, istiqrazlar üzrə illik gəlirlilik maksimum 24% təşkil edir. İstiqraz məbləğinə hesablanmış faizlər müştərinin istəyi ilə aylıq, rüblük və ya illik ödənilir. Müştəri istiqraz məbləğini istədiyi vaxta geri çəkə bilər.

“FİNEX Kredit” əhalini və investorları əmanətlərini banklardan çıxardıb istiqraza çevirməyi təklif edir.

MARAQLANANLARA YALAN MƏLUMATLAR VERİLİR

“Finex Kredit” BOKT ASC qanunsuz istiqrazlarını qanunsuz reklam etməklə bərabər, vətəndaşları da aldadır. Şirkət Facebook səhifəsində izləyicilərdən birinin “Vəsait dövlət tərəfindən sığortalanır?” sualını aşağıdakı şəkildə cavab yazıb:

“İstiqrazlar Azərbaycan Respublikası Qiymətli Kağızlar üzrə Dövlət Komitəsində (hazırda belə bir komitə yoxdur – red), Milli Depozit mərkəzində qeydiyyata alınır, Maliyyə Bazarlarina Nəzarət Palatasının razılığı və nəzarəti altında dövriyyəyə buraxılır! İstiqraz sahibləri həm fiziki, həm də hüquqi şəxslər ola bilər.

İstiqrazlar hər birinin nominal dəyəri 500 AZN və ya USD olmaqla buraxılır və istənilən müddətə yerləşdirilə bilər. Sənədləşmə qısa zamanda həyata keçirilir, Müştəri istiqraz məbləğini istədiyi vaxta geri çəkə bilər. Təminata gəldikdə isə, “Finex” Şirkətlər Qrupu öz aktivləri ilə vəsaitinizə zəmanət verir. Əgər şirkət iflas edərsə, aktivlərin satışı ilə sizin vəsait qaytarıla bilər. Eyni hal banklardada baş verir, yəni banklarda depozitdə olan vəsaitlər bu qayda ilə əmanətçilərə qaytarılır”.

İLİN ƏVVƏLİNDƏ FƏRQLİ GÖSTƏRİCİLƏRİ OLAN İSTİQRAZLAR QEYDİYYATA ALINMIŞDI

Qeyd edək ki, 2017-ci ilin Mart ayında açıqlanmış rəsmi məlumatda bildirilirdi ki, Azərbaycan Respublikasının Maliyyə Bazarlarına Nəzarət Palatası tərəfindən “Finex Kredit BOKT” ASC-nin hər birinin nominal dəyəri 1000 dollar olan 100 ədəd faizli ipoteka istiqrazların buraxılışı AZ2009019244 qeydiyyat nömrəsi ilə dövlət qeydiyyatına alınmışdır. İstiqrazların tədavül müddəti 24 ay, gəlirlik dərəcəsi isə 8%-dir. İstiqrazlar qapalı yerləşdirmə üsulu ilə yerləşdiriləcək.

“Finex Kredit BOKT” ASC-nin həmçinin hər birinin nominal dəyəri 1000 manat olan 200 ədəd faizli ipoteka istiqrazlarının buraxılışı qeydiyyata alınmışdır. Qeydiyyat nömrəsi AZ2010019241 olan istiqrazlar qapalı yerləşdirmə üsulu ilə yerləşdiriləcək. Sözügedən istiqrazların tədavül müddəti 24 ay, gəlirlik dərəci isə 22% təşkil edir.

Bundan başqa, Maliyyə Bazarlarına Nəzarət Palatası fevralın 6-da “Finex Kredit BOKT”-ın əsas səhmdarı “Finance Leasing”in 3 istiqraz emissiyasını dövlət qeydiyyatına almışdı. Bu emissiyalar hər birinin nominal dəyəri 500 ABŞ dolları olan 1 227 ədəd və 86 ədəd, eləcə də hər birinin nominal dəyəri 500 manat olan 200 ədəd faizli təmin edilməmiş istiqrazın buraxılışını nəzərdə tutur. İlk emissiya üzrə illik gəlirlilik 9%, 2-ci və 3-cü emissiya üzrə isə 14%-dir. Tədavül müddəti 1 080 gün olan qiymətli kağızlar qapalı üsulla yerləşdiriləcək.

1500605243

Göründüyü kimi, məlumatlarda “Finex Kredit BOKT” ASC-nin bu gün təklif etdiyi və 24% gəlirlilik vəd edən istiqrazları barədə məlumat yoxdur.

Qeyd edək ki, “Finex Credit” 2013-cü ildə yaradılıb, “Finex Group”a daxildir. Onun nizamnamə kapitalı 600 min manatdır. Bu məbləğ hər birinin nominal dəyəri 100 manat olan 6 min səhm əsasında formalaşıb.

BOKT-un səhmlərinin 73,3%-i “Finance Leasing” ASC-yə, 14,4%-i Sevda Cəbrayıl qızı İbrahimovaya, 12,3%-i isə Mobil Famil oğlu Şərifova (“Finance Leasing”in 10%-lik səhmdarı) məxsusdur.

Untitled-1

“Finance Leasing” 2007-ci ilin may ayından fəaliyyət göstərir, “Finex Group”a daxildir. Onun nizamnamə kapitalı 1,2 mln. manatdır. Şirkətin səhmləri 14 fiziki şəxsə, o cümlədən 19%-i Tokay Murad oğlu Şıxəlizadəyə, 13,1%-i Murğuz Elşən oğlu Tağıyevə, 12%-i Ramiz İbrahim oğlu İbrahimova, 12,7%-i Azad Malik oğlu Cavadova, 10%-i Mobil Famil oğlu Şərifova, 3,2%-i Azad Nəriman oğlu Cəbrayılova, qalan 30%-i isə digər 8 səhmdara məxsusdur.

ƏMANƏTÇİLƏRİN GÜVƏNDİYİ FONDUN DİREKTORU BU BİZNESƏ ŞƏRİKDİR

“Finance Leasing”in səhmdarlarından biri olan Azad Malik oğlu Cavadov Əmanətlərin Sığortalanması Fondunun İcraçı direktorudur. Bu Fond banklardakı əmanətləri qoruyur.





Xəbərin oxunma sayı : 1333




Gündəm

Xəbərlər

ARXİV
Əlaqə | Haqqımızda  
Buy website traffic cheap