Bu sözləri əmək və əhalinin sosial müdafiəsi naziri Səlim Müslümov bildirib. Nazir qeyd edib ki, nazirlik pensiyaların məbləğinin indeksləşdirilməsi ilə bağlı layihəni ilin sonunadək Prezident Administrasiyasına təqdim etməyə hazırlaşır.

AzFakt.com-un məlumatına görə, iqtisadçı-ekspert Natiq Cəfərli Metbuat.az-a açıqlamasında bildirib ki, həm təqaüd, həm də maaşlarda təqribən 13-14%-lik artım olacaq:

“Azərbaycan Respublikasının Qanunvericiliyinə əsasən, minimum əmək haqqları rəsmi inflyasiya həddi qədər artırılır. Pensiya və maaşların hesablanması buna uyğun aparılır. İndi rəsmi inflyasiya 14%-dir. Bu rəqəm ilin sonuna qədər həmin səviyyədə qalsa, indeksləşmə yanvarın 1-dən bu qədər olacaq (13-14%) . Dekabrın sonuna yaxın, yaxud yanvarın ilk günlərindən indeksləşmə həyata keçiriləcək. Minimum təqaüd alanlarda 15-20 AZN artım ola bilər”.