AzFakt.com open.az-a istinadən xəbər verir ki, polis rəisi Rəqsanə İsmayılovanı məhkəməyə verərək müğənninin Nəsimi rayonunda yerləşən mənzilindən istifadə hüququna xitam verilməsini tələb edib.

İşə Nəsimi rayon Məhkəməsində baxılıb və polis rəisinin iddiası təmin edilib.

Qərarla razılaşmayan Rəqsanə İsmayılova Bakı Apellyasiya Məhkəməsinə müraciət edib. Onun şikayətinə Bakı Apellyasiya Məhkəməsində hakim Məmməd Məhəmmədovun sədrliyi ilə baxılıb. Qərara əsasən Rəqsanə İsmayılovanın şikayəti təmin edilməyib.

Bununla da razılaşmayan müğənni yuxarı məhkəmə istansiyasına müraciət edib. 

Məlumata görə, onun şikayəti icraata götürülüb.

Məlumatda o da qeyd olunub ki, Rəqsanə İsmayılova bir-neçə il əvvəl  İbrahimovdan 419 min manat borc alıb və müqabilində Nəsimi rayonu ərazisində yerləşən mənzilini girov qoyub.

Müğənni pulu qaytara bilmədiyindən polis rəsini onun mənzilindən istifadə hüququna xitam verilməsini tələb edib.

Əldə etdiyimiz məlumata görə, Rəqsanə İsmayılova iddia edib ki, borc aldığı pulun 332 min dollarını qaytarıb, lakin əsas borcu qaytara bilməyib. O, borcu tam qaytara bilməməsini dolların qalxması ilə əlaqədar olduğunu bildirib. Hazırda Əli İbrahimov Rəqsanə İsmayılovadan 450 min manat pul tələb edir.