"Rusiya xüsusi xidmət orqanlarının məlum dəst-xəttidir, hansı ki, əvvəllər müxtəlif Avropa şəhərlərində dəfələrlə rast gəlinib", - deyə TASS Poroşenkodan sitat gətirib.

*   *   *

Bu gün Kiyevdə atışma zamanı Rusiya Dövlət Dumasının sabiq deputatı Denis Voronenkov ölüb.

Virtualaz.org Rusiya KİV-ə istinadən bildirir ki, bunu Kiyev Şəhər Baş Polis İdarəsinin rəisi Andrey Krişenok deyib.

Bir saat əvvəl “Premier Palace” oteli yaxınlığında atışma zamanı iki nəfər yaralanıb, D. Voronenkov isə ölüb.

Polis rəisi D. Voronenkovun qətlinin sifariş olduğunu istisna etmir. Onun fikrincə, "məqsəd Rusiya siyasətçilərinin qorxudulmasıdır”.

Xatırladaq ki, D.Voronenkov Kommunist Partiyasından Dumaya deputat seçilmişdi. O keçən il Ukraynaya qaçmış, Rusiya isə onu beynəlxalq axtarışa vermişdi.