Təqdimatı giriş sözü ilə açan Atatürk Mərkəzinin rəhbəri, Azərbaycan MEA-nın həqiqi üzvü, akademik Nizami Cəfərov qonaqlara kitabın yazılma zərurəti və elmi-siyasi, publisistik dəyəri haqqında ətraflı məlumat verdi: “...Bu kitab mənim dəyərli dostum, Azərbaycan dövlətçiliyinə ruhu ilə bağlı, Ulu Öndər Heydər Əliyevin siyasi kursunun əsgəri, tanınmış siyasi xadim, professor Vaqif Abdullayevin növbəti yaradıcılıq məhsullarından biridir. Onun hələ neçə il əvvəl Ulu Öndərin layiqli davamçısı İlham Əliyev haqqında yazdığı kitabını məmuniyyətlə xatırlayıram. Vaqif müəllim İlham Əliyev haqında o vaxt elə dəyərli fikirlər yazıb proqnozlar vermişdi, onların demək olar hamısı özünü doğrultdu. Hansı ki, həmin kitab yazılanda İlham Əliyev tamamilə başqa sahədə çalışırdı. Yəni, Vaqif Abdullayev siyasətdə öncəgörənlərimizdən biridir, onu bu uğurlarına görə təbrik edirəm...”.

Azərbaycanın 1-ci Vitse-Prezidenti Mehriban xanım Əliyeva haqqında yazılmış bu fundamental əsər haqqında ətraflı danışan akademik Nizami Cəfərov daha sonra kitab haqqında dəyərli təəssüratlarını bölüşmək üçün tanınməş ziyalılara, qonaqlara söz verdi. YAP Siyasi Şurasının üzvləri, sabiq deputatlar və tanınmış jurnalistlər və digərləri kitab haqqında təəssüratlarını bölüşdülər.

Kitabın xarici dillərə tərcümə edilməsi də nəzərdə tutulub və artıq bu fəaliyyətə start verilib.