Virtualaz.org saytının xəbərinə görə, prosesə hakim Əfqan Hacıyev sədrlik edib. Prosesdə dövlət ittihamçısı Fərid Nağıyev çıxış edərək, Ceyhun Zeynalovun 10 il müddətinə azadlıqdan məhrum edilməsini istəyib.

Təqsirləndirilən şəxsin vəkili çıxış üçün məhkəmədən vaxt istəyib.

Məhkəmə prosesi fevralın 17-ə kimi təxirə salınıb.

Qeyd edək ki, hadisə ötən il oktyabr ayının 29-da Xəzər rayonu, Mərdəkan qəsəbəsi, “Şam Bağı” restoranının yaxınlığında baş verib. Ceyhun Zeynalov qısqanclıq zəminində keçmiş həyat yoldaşı Arzu Zeynalovanın üstünə benzin tökərək od vurub. Hadisə yerində olan şəxslərin köməkliyi ilə A. Zeynalova təcili xəstəxanaya çatdırılıb. Onun həyatını xilas etmək mümkün olub.