AzFakt.com xəbər verir ki, Asif Kərimov 1989-cu ildə Cəlilabad rayonunun Ləzran kəndində doğulub. Orta məktəbi bitirdikdən sonra Azərbaycan Dövlət Neft Akademiyasında təhsilini davam etdirib.

O, 44 gün davam edən Vətən müharibəsi başlayanda könüllü olaraq döyüşlərə qatılıb.

Şəhidin qardaşı Fəttah Kərimov bildirib ki, Asifdə həmişə birinciliyə can atmaq eşqi var idi. Komandiri olmuş Polad Həşimov şəhidlik zirvəsinə yüksəldikdən sonra çox narahat idi. Deyirdi ki, Ali Baş Komandanımız nə vaxt əmr versə, döyüşlərə qoşulacağam. Qarabağı azad görmək onun ən böyük arzusu idi.

İgid döyüşçü ötən ilin noyabr ayında Şuşa ətrafında gedən döyüşlərdə şəhid olub. O, doğulduğu Ləzran kəndində torpağa tapşırılıb.

Qarabağı azad görmək istəyən şəhid Asif Məmmədov arzusuna qovuşdu. İndi onun ruhu şaddır...

Cəsur döyüşçü “Vətən uğrunda”, “Qubadlının azad olunmasına görə” və “Hərbi xidmətlərə görə” medalları ilə təltif edilib.

Şəhid A.Məmmədov ailəli idi, 1 qızı və 1 oğlu var.

Allah bütün şəhidləri rəhmət eləsin!