Dirijor Bərdia Kiyarəs Musiqili Teatrda İrem Derici reanimasiyaya yerləşdirildi Emin Ağalarov: “Mən prezidentə kömək etməyə layiq deyiləm” "Şəkilləri silmək üçün 100 min təklif etdilər" - Edanın eks sevgilisi
Axtar
 
  • / Maqazin / — 20 Sentyabr 2017

    Dirijor Bərdia Kiyarəs Musiqili Teatrda

  • / Maqazin / — 19 Sentyabr 2017

    İrem Derici reanimasiyaya yerləşdirildi

  • / Maqazin / — 16 Sentyabr 2017

    Emin Ağalarov: “Mən prezidentə kömək etməyə layiq deyiləm”

  • / Maqazin / — 14 Sentyabr 2017

    "Şəkilləri silmək üçün 100 min təklif etdilər" - Edanın eks sevgilisi

  • / Maqazin / — 12 Sentyabr 2017

    Müğənni Nüşabə Ələsgərli qəza törədib

  • / Maqazin / — 12 Sentyabr 2017

    Elza: “Bəziləriniz yerinizdə sayırsız, şükür edin ki, hələ də sizi sayırıq”

Qaraməryəmdə torpaq sahələrinin suvarma boruları oğurlandı

Tarix 04.01.17, 11:54

Font ölçüsü : - / +
bitmap-img6


“Bir qrup şəxs pay torpaqlarımıza soxularaq vaxtilə sahələrə çəkilmiş suvarma borularını çıxararaq, bizə məlum olmayan yerə daşıyırlar. Üstəlik də, əkdiyimiz məhsulları zay ediblər, əkin sahələrimizi yararsız vəziyyətə salıblar”.

Qaraməryəmlilərin pay torpaqlarına gedən suvarma xətlərini kim hara daşıyır? Göyçayın bu kəndinin sakinləri suala cavab tapmaq üçün yanvarın 3-də elə pay torpaqlarının yerləşdiyi əraziyə toplaşıblar. Azı 50 kəndli suvarma xətlərinin kəsilib daşınmasına etirazını bildirib.

 

“Arx suyu çəkilsin”

Kənd sakini Səbuhi Quliyev deyir ki, suvarma xətlərini çıxarıb daşıyanlar etirazını bildirən kəndlilərin bəzilərini əkin sahələrinə dəymiş zərəri ödəməklə susdursalar da, bir qism kəndli razılaşmayıb:

“Prezident deyir, böhrandan çıxış yolu əkinçiliyi inkişaf etdirməkdədir. Kəndlinin yeganə çörək mənbəyi torpaqdır. Bunlarsa gəlib günün gündüz çağında adamların gözlərinin qarşısında əkin sahələrinə gedən su xətlərini çıxarıb daşıyırlar. Soruşanda da bələdiyyə icra hakimiyyətinin, icra hakimiyyəti bələdiyyənin üstünə yıxır. Deyən yoxdur ki, bu xətləri hara aparır, niyə aparır, kimə satmağa aparır... Əgər bunu qanuni edirlərsə, o zaman bir rəsmi göstəriş sənədi göstərsinlər. Üstəlik də, qoy həmin borunun mincə metrini yay-qış su problemi yaşayan kəndimizə su xətti çəkməyə istifadə etsinlər. Biz tələb edirik ki, məhəllələrimizə arx suyu çəkilsin, meyvə ağaclarımızı suvaraq, dolanışığımızı təmin edək, bunlarsa üstəlik, əkin sahələrimizə gedən su borularını kəsib daşıyırlar”.

Səbuhi Quliyev deyir ki, bu torpaqlar kəndlilərin göz dikdiyi yeganə ruzi yeridir. Suvarılmasa, məhsul verməz, məhsul olmasa, ailələr ac qalar.

 

“Alternativ su xətti yoxdur”

Əkin sahəsi yararsız vəziyyətə düşən və suvarmadan məhrum olan kəndlilərdən biri də Qiyas Yusifovdur. Onun sözlərinə görə, kəndlilər pay torpaqlarında, əsasən, taxıl əkiblər. Yanvarın 2-dən başlayaraq kəndlilərin, ümumilikdə, azı 500 hektarlıq pay torpağına gedən xətlər kəsilir. Ancaq bunu edənlər pay torpaqlarının sahiblərinə heç bir izahat vermirlər:

“Bu xətlər hələ Sovet vaxtından Şirvan Su Kanalından həmin torpaqlara suvarma məqsədilə çəkilib. Torpaqlarımızı suvarmağa alternativ su xətti yoxdur. Biz torpaqlarımızı necə suvaracağıq, bilmirik”.

Göyçay rayon İcra Hakimiyyətindən “Azadlıq” radiosuna bildirilib ki, hadisə bayram günlərinə düşdüyündən məsələni araşdırmaq mümkün olmayıb: “Kənd sakinləri tərəfindən icra hakimiyyətinə də müraciət olunub. Araşdırılacaq. Hələlik, heç bir söz deyə bilmərik”.

Qaraməryəmlilər rəsmi qurumlardan məsələyə aydınlıq gətirilməsini, üstəlik, sahələrin suvarma borularının yerinə qaytarılmasını tələb edirlər.



Xəbərin oxunma sayı : 70

loading...

Hadisə

Xəbərlər

ARXİV
Əlaqə | Haqqıımızda