Enerjidən yata bilmirəm... - Müğənni Aygün Ağayeva Dünyanın ən gözəl qadınının adı açıqlanıb - FOTOLAR Türkan dəyişib belə oldu - FOTO Küsülü olan azərbaycanlı məşhurlar - SİYAHI
Axtar
 
  • / Maqazin / — 26 Mart 2024

    Enerjidən yata bilmirəm... - Müğənni Aygün Ağayeva

  • / Maqazin / — 10 Mart 2024

    Dünyanın ən gözəl qadınının adı açıqlanıb - FOTOLAR

  • / Maqazin / — 09 Mart 2024

    Türkan dəyişib belə oldu - FOTO

  • / Maqazin / — 07 Mart 2024

    Küsülü olan azərbaycanlı məşhurlar - SİYAHI

  • / Maqazin / — 05 Mart 2024

    Xatirə qırmızıya büründü - Fotolar

  • / Maqazin / — 18 Fevral 2024

    “Məni bəyənməyənlər zövqsüzdür...” - Nura Suri

Qazaxıstanda unun qiyməti kəskin bahalaşdı – Azərbaycana hansı təsirləri ola bilər?

Tarix 11.11.19, 14:25

Font ölçüsü : - / +
bitmap-img6


Qonşu Qazaxıstanda un və un məmulatlarının noyabrın əvvəllərindən etibarən kəskin bahalaşması müşahidə olunur. “Azadlıq” radiosunun qazax xidməti xəbər verir ki, hakimiyyət bahalaşmanı bu mövsümdə taxılın bol olmaması, habelə keyfiyyətli taxılın ixraca yönəldilməsi ilə izah edir.

Almata ətrafında yaşayan, ancaq pensiya və həyətyanı təsərrüfatın hesabına dolanan Ömərovlar ailəsi üçün bu bahalaşma həyat şərtlərini daha da çətinləşdirib. Onlar deyirlər ki, bu yaxınlara qədər 50 kiloqramlıq kisəsi 5 min təngəyə satılan birnci sort unu indi 8 minə alırlar. 25 kiloqramlıq un isə 5 min təngəyə qədər bahalaşıb.

“Qışa 9 kisə kartof almışıq. Kartof hazırda ucuzdur, kiloqramı 80 təngədir. Əgər un daha da bahalaşsa çörək əvəzinə kartofla keçinməli olacağıq”,-ev sahibəsi Jamal Ömərov deyir.

Unun kəskin bahalaşması sosial şəbəkələrdə də əsas müzakirə mövzusudur. Janibek Kopsajar adlı istifadəçi yazır ki, ötən ilə nisbətən un iki dəfə bahalaşıb. “Bir kisə un ötən il 4 min təngə idi, indi isə 8 min təngədir. Biz isə hələ də heç bir narazılığımızı ifadə etmədən qışa ehtiyat kimi 2-3 kisə un almağa hazırlaşırıq. Çünki deyilənə görə 12 min təngəyə qədər bahalaşacaq. Maaşlar isə bir təngə də olsun qalxmayıb”,-o bildirir.

Almata bazarlarında və mağazalarında satıcılar da unun bahalaşdığını təsdiqləyir. “Turksib” adlı bazarda un satan Aynasıl adlı satıcı deyir ki, unun bahalaşması onları da çox təəcübləndirib. Çünki adətən ilin bu vaxtlarında un ucuzlaşardı. Satıcı deyir ki, hazırda ən ucuz unun kiloqramı 400 təngədir. Satıcıların çoxu bahalaşmanı şərh etməkdən çəkinir, təzyiqlərdən qorxduqlarını deyirlər.

Almata mağazalarında unla yanaşı çörək də bahalaşıb. Hazırda çörəyin qiyməti 80 təngədir, bir neçə gün əvvəl isə 70-7 təngə idi.

Unun və un məmulatlarının bahalaşa biləcəyi haqda sentyabr ayında kənd təsərrüfatı naziri Saparxan Omarov xəbərdarlıq etmişdi. Nazir deyib ki, bu il məhsul əlverişsiz hava şəraitinə görə az olub, Qazaxıstan ötən ilkinə nisbətən 1.5 milyon ton az buğda yığıb. Kənd Təsərrüfatı Nazirliyi bildirir ki, Qazaxıstan Türkiyə, Gürcüstan, İtaliya, İspaniya, Azərbaycan, Əfqanıstan və İrana buğda satır. Bu il Azərbaycana buğda ixracı ötən ilkinə nisbətən 30 faiz artıb. Habelə 2016-cı ildə Çinə 300 min ton taxıl və un satılmışdısa ötən il bu rəqəm iki dəfə çox olub.

Qeyd edək ki, Azərbaycan ərzaq buğdasını əsasən Qazaxıstan və Rusiyadan idxal edir. Bu baxımdan qonşu ölkədəki bahalaşmanın Azərbaycana da müəyyən təsiri ola bilər, əgər Qazaxıstan ixrac buğdasının bir qismini bahalaşmanı dayandırmaq üçün daxili bazara yönəldərsə. Hələlik Azərbaycanda unun və çörəyin qiyməti stabildir, bahalaşma müşahidə edilmir.






Xəbərin oxunma sayı : 1045




İqtisadiyyat

Xəbərlər

ARXİV
Əlaqə | Haqqımızda  
Buy website traffic cheap