Enerjidən yata bilmirəm... - Müğənni Aygün Ağayeva Dünyanın ən gözəl qadınının adı açıqlanıb - FOTOLAR Türkan dəyişib belə oldu - FOTO Küsülü olan azərbaycanlı məşhurlar - SİYAHI
Axtar
 
  • / Maqazin / — 26 Mart 2024

    Enerjidən yata bilmirəm... - Müğənni Aygün Ağayeva

  • / Maqazin / — 10 Mart 2024

    Dünyanın ən gözəl qadınının adı açıqlanıb - FOTOLAR

  • / Maqazin / — 09 Mart 2024

    Türkan dəyişib belə oldu - FOTO

  • / Maqazin / — 07 Mart 2024

    Küsülü olan azərbaycanlı məşhurlar - SİYAHI

  • / Maqazin / — 05 Mart 2024

    Xatirə qırmızıya büründü - Fotolar

  • / Maqazin / — 18 Fevral 2024

    “Məni bəyənməyənlər zövqsüzdür...” - Nura Suri

Rüşvət tikinti bazarında kəskin bahalaşma yaratdı – Şirkətlər fəaliyyətini dayandırır

Tarix 11.06.19, 14:19

Font ölçüsü : - / +
bitmap-img6


Son günlər tikinti sektorunda tikinti materiallarının qiymətlərinin qalxdığı müşahidə olunur.

Bununla yanaşı daşınmaz əmlak bazarında da qiymətlər yüksəkdir.

Məsələylə bağlı danışan iqtisadçı ekspert Qadir İbrahimli bildirib ki, bu bazarda böhran gözlənilir. Onun sözlərinə görə, qiymətlər kəskin qalxıb:

“Mənzilin kvadratını artıq 1500 manata təklif edirlər. Hazırda 1000 manatdan ucuz təklif edən şirkət yoxdur. Hətta şəhərin mərkəzində Elmlər Akademiyası, metroya yaxın ərazilərdə kvadratı 2000-3000-dən başlayan qiymətlər var. Əmlak bazarı orta təbəqənin imkanlarına adekvat olmalıdır. Azərbaycanda o təbəqənin aylıq real gəlirləri təxminən 1000-1500 manat arasında dəyişir. Gəlirlər də daşınmaz əmlak bazarına yaxın düşməyə imkan vermir.

Ona görə də yaxın dövrlərdə bazarın böhranı gözlənilir. Yəni tikinti şirkətləri istehsal fəaliyyətini dayandırmağa məcbur olacaq. Çünki bu şərtlər daxilində uzun müddət davam gətirmək mümkün deyil”.

İqtisadçı qiymətlərin qalxma səbəblərindən də danışıb. Onun sözlərinə görə, bu məsələdə rüşvət amili rol oynayır:

“Burada rüşvət amili dayanır. Müxtəlif qurumlar tikinti şirkətlərindən külli miqdarda rüşvət alırlar. Rüşvət hətta mənzilin maya dəyərindən bir neçə dəfə yüksək olur. Təbii ki, həmin pullar hamısı maya dəyərinə daxil edilir və alıcılara təklif edilir. Əvvəl tikinti şirkəti 17-18 mərtəbəli binaya görə rüşvət verirdi, indi isə Dövlət Şəhərsalma və Arxitektura Komitəsi deyir ki, 10 mərtəbədən yüksək bina tikilə bilməz. Maksimum 12 mərtəbə göstərilir və bu halda həmin rüşvət 18 deyil, 12 mərtəbəli binanın maya dəyərinə daxil edilir. Bu da istər-istəməz qiymət artımlarına gətirib çıxarır”.

Ekspertin sözlərinə görə, 12 mərtəbə Dövlət Şəhərsalma və Arxitektura Komitəsinin tələbidir və indi 12 mərtəbədən yüksək tikintilər faktiki olaraq qadağan edilib:

“Yaxın vaxtlarda bu bazar dinamik inkişaf edə bilməyəcək. Bazarın çöküşü gözlənilir. Tikiti şirkətləri fəaliyyətlərini dayandırmağa məcbur olacaqlar.

İndi də hiss olunur ki, sosial şəbəkələr üzərindən şirkətlər xeyli reklamlar edirlər. Kreditlərdə daha yumşaq şərtlər irəli sürürlər. Ancaq kreditlə məsələni həll etmək mümkün deyil. Əhalinin, xüsusilə də orta təbəqənin imkanlarına adekvat olmayan daşınmaz əmlak bazarı gec-tez çöküşə məhkumdur.

Həmin şirkətlərin fəaliyyətini dayandırması təbii ki, sosial problemdir. Bu, xeyli işsizlər ordusunun yaranmasına gətirib çıxaracaq. Ancaq bunun qarşısını almaq üçün tikinti bazarında şərtləri şəffaflaşdırmaq, qeyri-rəsmi ödənişlərin ləğvinə nail olmaq lazımdır. Əgər bu problemlər həllini tapmasa, qeyd etdiyim çöküş qaçılmaz olacaq”.(Yeni Sabah) 



Xəbərin oxunma sayı : 118




Sosial

Xəbərlər

ARXİV
Əlaqə | Haqqımızda  
Buy website traffic cheap