Məsələ ilə bağlı MSK üzvü Ramiz İbrahimov bildirib ki, sosial şəbəkələrdə yayılan görüntülərin araşdırılması zamanı Ekspert Qrupu tərəfindən belə bir qənaətə gəlinib ki, həqiqətən də seçki qanunvericiliyinin pozuntularına yol verilib:

“2 seçki məntəqəsində seçki komissiyasında protokol verilməyib. Bir çox məntəqələrdə bu cür pozuntulara yol verilib. Bu hallar da onu göstərir ki, seçicilərin həqiqi iradəsini müəyyənləşdirməyə imkan verilməyib. Protokolların hansının düzgün olması qeyri-mümkündür. Dairənin 33 məntəqəsinin 30-da belə hallar müəyyən edilib. Hesab edirəm ki, səsvermənin nəticələri etibarsız sayılmalıdır”.

İclasda həmin dairənin , 30 seçki məntqəsi üzrə səsvermənin nəticələri hesab edilib və həmin dairə üzrə səsvermənin nətciələri etibarsız hesab edilməsi məsələsi müzakirəyə çıxalıb və qəbul edilib.

                                                                                                ***

 MSK 80 saylı dairənin nəticələrinin ləğv edilməsindən sonra  35 saylı Xətai üçüncü seçki dairəsi ilə bağlı şikayətləri müzakirəyə çıxarıb.

Mia.az xəbər verir ki, bu dairədən Rauf Arifoğlu lider göstərilsə də, Ümid partioyasının lideri İqbal Ağazadə bununla razılaşmayıb və MSK-ya xeyli faktlarla şikayət verib.

Bu dəqiqələrdə həmin şikayətlər gündəmə çıxarılıb.