İsrail KİV-i xəbər verir ki, o, son zamanlar Böyük Britaniya vizası almaq sahəsində çətinliklərlə üzləşib.

Çünki rəsmi London Rusiyaya qarşı sanksiya tətbiq edəndən sonra Rusiya vətəndaşlarının Britaniya vizası alması o qədər də asan olmur. R.Abramoviç viza ilə bağlı problemi həll etmək üçün İsrail vətəndaşlığı almaq qərarına gəlib.

Məlumata görə, Böyük Britaniyanın “Çelsi” futbol klubunun sahibi olan milyarder Təl-Əvivi Neve-Tsedek turist rayonunda böyük mülk tikdirir.

İsraildə çıxan “Globus” qəzetinin yazdığına görə, rusiyalı milyader bu rayonda 25 milyon dollara “Versano” mehmanxanasını, oranın həyətinə bitişik 1,5 min kv. metrlik ərazini satın alıb.

Qəzet bildirib ki, R.Abramoviç İsraildən 4 startap-şirkət əldə edib. Onlardan biri smartfonlar üçün batareya istehsalı ilə məşğuldur.

Virtualaz.org-un məlumatına görə isə Rusiya prezidentinin mətbuat katibi Dmitri Peskov KİV-ə bildirib ki, Kremllə bu barədə informasiya yoxdur.

İsrailin İnteqrasiyanın və Absorbsiya Nazirliyinin mətbuat xidmətindən də bildiriblər ki, Roman Abramoviçin ölkəyə gəlişi ilə bağlı hər hansı məlumata malik deyillər.