İspaniyanın El Mundo qəzetinin yazdığına görə, Real Madrid klubunun hücumçusu Kristiano Ronaldo İspaniya vergi rəsmiləri ilə razılıq əldə edərək, iki il həbs cəzası daxil olmaqla, 18.8 milyon avro (21.8 milyon dollar) cərimə ödəməyə razılıq verib.

Buna baxmayaraq, Ronaldo cəzasını həbsxanada keçirməyəcəyi gözlənilir. Belə ki, İspaniya qanunlarına əsasən, iki ildən az həbs müddətini ilk dəfə alan şəxs cəzasını şərti çəkə bilər.

33 yaşlı portuqaliyalı futbolçu 14.7 milyon avro miqdarında vergidən yayınmaqda ittiham edilir. Ronaldo agentləri vasitəsilə bu ittihamları rədd edib. (Amerikanın Səsi)