Danışıqlar prosesi zamanı biz hər fürsətdə bəyan etmişik ki, Dağlıq Qarabağda yaşayan ermənilər Azərbaycan respublikasının qanuni vətəndaşlarıdır. Onlar Konstitusiyada göstərilən bütün hüquq və azadlıqlardan istifadə edəcəklər. Lakin düşmən həmişə bizim haqqımızda antitəbliğat aparıb. Sanki min illər boyu müxtəllif xalqlarla qardaş münasibətdə biz deyil onlar olublar. Halbuki Ermənistan özü monoetnik dövlətdir. 1988-ci ildə yüzminlərlər insanı dədə-baba yurdlarından ermənilər qovublar. Azərbaycan öz tolerant siyasətinə müharibədən sonrada sadiqdir. Cənab Prezindet mətbuat nümayənləri qarşısındakı çıxışında bunu aydın və birmənalı ifadə elədi. Bizim xalqlar sülh şəraitində yaşamalıdırlar. Bundan sonra Azərbaycan və erməni xalqlarının birgə yaşaması ilə bağlı aydın təsəvvürlər var. Azərbaycanda minlərlə erməni yaşayır. Bizim erməni xalqı ilə birgə yaşamağımızın böyük tarixi vardır. Həm Ermənistanda, həm Azərbaycanda, həm başqa ölkələrdə. Misal üçün, Gürcüstanda elə kəndlər var ki, orada azərbaycanlılar və ermənilər bir kənddə yaşayırlar. Biz əməkdaşlığa açıq olan ölkəyik və Azərbaycanda müxtəlif xalqların nümayəndələri əsrlərboyu bir ailə kimi yaşayırlar. Azərbaycanda heç vaxt dini, milli zəmində hər hansı qarşıdurma, anlaşılmazlıq olmamışdır. Azərbaycanda yaşayan bütün millətlər eyni hüquqlara malikdirlər. Qarabağda yaşayan ermənilər Azərbaycan vətəndaşlarıdırlar. Azərbaycanda fərqli dildə danışan insanların hər cür hüquq və imtiyazları mövcuddur. Onların təhsilə çıxışları təmin edilir. Nəzərə alaq ki, həmin ərazilərdə yaşayan erməni icması öz aralarında erməni dilində danışa bilərlər, sovet dövründə bizim o bölgədə erməni dilində qəzetlər dərc edilirdi, orada xüsusi proqramlar var idi. 

Digər bütün dillər kimi erməni dili də Azərbaycanda qorunacaqdır. Davamlı sülh regionun inkişafını təmin edən əsas amildir. Davamlı sülhə nail olmaq prioritet vəzifədir. Düşmənçilik səhifəsi çevrilməlidir. 10 noyabr tarixində imzalanmış bəyanat bunun üçün zəmin yaradır. İmzalanmış Bəyanata sadiqlik nümayiş etdirməklə regionda sülh təmin olunacaq.

İntiqam Abdullayev,

Sabirabad