Reuters agentliyinin məlumatına görə, dindirilmə prosesi 14 saat çəkib.

Pak Kın Xe ona qarşı irəli sürülən bütün ittihamları tamamilə rədd edib. Prokurorluğa dindirilmə üçün gələn sabiq prezident istintaqın bütün suallarını düzgün cavablandıracağına söz verib.

Xatırladaq ki, ötən il Cənubi Koreya parlamenti Pak Kın Xeni korrupsiyada və hakimiyyətdən sui-istifadədə təqsirləndirərək onun impiçmentinə səs vermişdi. Ölkə qanunlarına əsasən, Konstitusiya Məhkəməsinin bununla bağlı qərar qəbul etdiyi vaxtdan sonrakı 60 gün müddətində növbədənkənar prezident seçkiləri keçirilməlidir.