AzFakt

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sabirabadda xəstəxana var, həkim yoxdur - Dializ xəstələri niyə zəhərlənib?


Tarix 25.01.20, 22:52	Font ölçüsü : - / +

Yanvarın 23-də Sabirabad Rayon Mərkəzi Xəstəxanasının dializ şöbəsində xəstələrin kütləvi zəhərlənməsi baş verib. Hazırda xəstələrin vəziyyəti dünənə nisbətən stabildir.

AzFakt.com bildirir ki, bu barədə AYNA-ya zəhərlənmiş xəstələrdən biri – Əlmədət Ağayev məlumat verib.

“Dializ alıb evə getdik, qızdırma, üşütmə, ishal başladı, təzyiq çox aşağı düşdü. Ağır vəziyyətdə xəstəxanaya çatdırıblar. Dünənə baxanda, bu gün bir qədər irəliləyiş var. Həkimlər qulluğumuzda dayanıblar, ancaq hələ də qızdırma, qusma, ishal davam edir”, – deyə xəstə bildirib.

Ə.Ağayevin dediyinə görə, xəstələrdən biri Bakıya gətirilib: “Eyni növbədə beş xəstə dializ almışdıq, beşimiz də eyni vəziyyətdə xəstəxanaya gətirilmişik. Xəstələrdən biri evə gedib, birini də qohumları Bakıya apardılar. İndi mənimlə bərabər reanimasiyada iki xəstə müalicə alır”.

Həmsöhbətimiz onu da vurğulayıb ki, Sabirabad Rayon Mərkəzi Xəstəxanasında nə uroloq var, nə də nefroloq: “Hansı səbəbdən zəhərləndiyimiz bilinmir, bizə bu barədə heç nə demirlər. Ancaq səbəbi özümüz bilirik, xəstəxanada böyrək həkimi, dializ həkimi yoxdur, bizi tibb bacıları dializ edir. Dializ həkimi olmadığına görə də bu gündəyik”.

“Dəfələrlə bu barədə aidiyyəti qurumlara məlumat vermişik. Deyiblər ki, həkim göndəriləcək. Yanvar ayına söz vermişdilər, ancaq hələ də həkim yoxdur”, – xəstə əlavə edib.

Qeyd edək ki, dünən Sabirabad Rayon Mərkəzi Xəstəxanasında (RMX) dializ alan xəstələrin evə qayıtdıqdan sonra halları pisləşib. Beş dializ xəstəsi eyni şikayətlərlə yenidən xəstəxanaya gətirilib, reanimasiya şöbəsinə yerləşdirilib.

Məsələ ilə bağlı Sabirabad RMX-dən və Tibbi Ərazi Bölmələrini İdarəetmə Birliyindən (TƏBİB) AYNA-nın sorğularına heç bir cavab verilməyib.

Xəbərin oxunma sayı : 583