Virtualaz.org saytının Şirvan bürosunun məlumatına görə, Salyan şəhərinin ərazisində gəlin aparan kortejdəki “Mercedes” markalı avtomaşın Neftçala istiqamətində meyvə şirələri və qazlı sular satan şirkətə məxsus “Mercedes” markalı yük maşını ilə toqquşub.

Qəza yüngül olduğundan, xəsarət alanlar olmasa da, kortejdə olan şəxslərdən bir neçəsi yük maşınında olan şirkətin fəhləsi, 38 yaşlı Salyan şəhər sakini Miriyev Elxan Mirmustafa oğlunu döyərək ona xəsarət yetiriblər.

Salyan Mərkəzi Rayon Xəstəxanasına yerləşdirilən Elxan Miriyev üst sağ dodağının əzilmiş-cırılmış yaraları diaqnozu ilə əməliyyat olunub.

Faktla bağlı Salyan Rayon Polis Şöbəsində araşdırmalara başlanılıb.