"Çin Xalq Respublikası (ÇXR) və Koreya Xalq Demokratik Respublikası (KXDR) qonşu, suveren dövlətlərdir, hansı ki, aralarında dostluq münasibətləri yaranıb. Amma Çin Şimali Koreyanın daxili işlərinə qarışa, ona göstərişlər verə bilməz. Çin başqa ölkələrin daxili işlərinə qarışmır"

Bunu virtualaz.org-a eksklüziv açıqlamasında Çinin Azərbaycandakı fövqəladə və səlahiyyətli səfiri Vey Tszinxua deyib.

Qeyd edək ki, bu günlərdə Koreya Xalq Demokratik Respublikasında Çin Xalq Respublikasının ünvanına ilk dəfə tənqidi fikirlər səsləndi, hansı ki, qonşu dövlətlər, ilk növbədə ABŞ və Yaponiya, onun nüvə və raket proqramlarının dayandırılmasına nail olmaq üçün Pxenyana təsir etməyə çağırırlar.

Səfirin sözlərinə görə, Çin Koreya məsələsinə həssas yanaşır və Koreya Xalq Demokratik Respublikasının siyasəti haqqında öz nöqteyi-nəzərini deyə, bu və ya digər problem üzrə məsləhət verə bilər.

"Amma Çin Xalq Respublikası qonşu ölkədə öz siyasətini yeridə bilməz. Şimali Koreya Çinin nöqteyi-nəzərini qəbul edə yaxud etməyə bilər və bu, Koreya Xalq Demokratik Respublikasının hüququdur", - səfir vurğulayıb.