Enerjidən yata bilmirəm... - Müğənni Aygün Ağayeva Dünyanın ən gözəl qadınının adı açıqlanıb - FOTOLAR Türkan dəyişib belə oldu - FOTO Küsülü olan azərbaycanlı məşhurlar - SİYAHI
Axtar
 
  • / Maqazin / — 26 Mart 2024

    Enerjidən yata bilmirəm... - Müğənni Aygün Ağayeva

  • / Maqazin / — 10 Mart 2024

    Dünyanın ən gözəl qadınının adı açıqlanıb - FOTOLAR

  • / Maqazin / — 09 Mart 2024

    Türkan dəyişib belə oldu - FOTO

  • / Maqazin / — 07 Mart 2024

    Küsülü olan azərbaycanlı məşhurlar - SİYAHI

  • / Maqazin / — 05 Mart 2024

    Xatirə qırmızıya büründü - Fotolar

  • / Maqazin / — 18 Fevral 2024

    “Məni bəyənməyənlər zövqsüzdür...” - Nura Suri

Sel Zaqatala və Balakəndə küçələri dağıdıb, sahələri məhv edib - VİDEO

Tarix 13.08.18, 23:00

Font ölçüsü : - / +
bitmap-img6


Avqustun 9-dan başlayaraq şimal-qərb rayonlarına yağan güclü leysan yağışları nəticəsində yaranan daşqınlar təsərrüfatlara, o cümlədən şəhər təsərrüfatına, əkin sahələrinə, infrastruktura ciddi ziyan vurub. Hazırda yağışlar səngiyib, Zaqatala və Balakən rayonlarından keçən çaylarda suyun səviyyəsi enib. Leysan və daşqınların fəsadlarının aradan qaldırılması ilə bağlı iş aparılır və rayon təsərrüfatına dəyən ziyan hesablanır. Sinoptiklər isə qeyri-sabit hava şəraitinin daha bir neçə gün davam edəcəyini proqnozlaşdırır və yeni daşqınlar, leysan istisna deyil.

Zaqatala RİH Başçının birinci müavini, Rayon Fövqəladə Hallar Komissiyasının sədri Tofiq Əhmədovun virtualaz.org-a bildirdiyinə görə, ən çox ziyan şəhər təsərrüfatına dəyib, küçələrin asfalt örtüyü sıradan çıxıb, tütün sahələrini sel suları basıb və lil altında qalıb.

250688_src

“Hazırda daşqın olan çaylarda suyun səviyyəsi enib. Fəsadların aradan  qaldırılması ilə bağlı işlər gedir. Nə qədər ziyan dəyməsi ilə bağlı hesablamaları yəqin ki, bu gün yekunlaşdıracağıq. Ən çox ziyan şəhər təsərrüfatına dəyib. Rayon mərkəzində 4-5 küçədə, yeni massivdə isə demək olar ki, bütün küçələrdə daşqınlar asfalt örtüyünü sıradan çıxarıb. Evlərə, həyətlərə, kəndlərdəki pay torpaqlarına, əkin sahələrinə, fındıq bağlarına, işıq, qaz, meşə təsərrüfatına ziyan dəyib. Amma bağların hamısından su çəkilib”-T.Əhmədov deyib.

İcra hakimiyyəti başçısının müavini bildirir ki, leysan fındıq istehsalına  təsir etməsə də, tütün istehsalını azaldacaq: “Leysan fındıq ağaclarını yuyub aparmayıb. Amma digər əkin sahələrinə, o cümlədən tütün təsərrüfatlarına leysan yağışları təsir edəcək. Çünki onları su, lil basıb. Tütün bitkisinin istehsalı bir qədər azalacaq”.

250689_src

T. Əhmədov həmçinin bildirib ki, rayonun Böhtala kəndinə gedən piyada körpüsünün  dağılması nəticəsində kənddə köməksiz vəziyyətdə qalan 12 ailə ötən həftə sonuFHN-in helikopterləri ilə təhlükəli ərazidən çıxarılıblar. Artıq bu gün su çəkildiyindən həmin şəxslər öz evlərinə qaytarılacaq.

İcra Hakimiyyəti rasmisinin sözlərinə görə, rayona həddindən artıq çox yağıntı düşüb. Nəticədə rayonda olan 7 çayın hamısında eyni vaxtda  daşqınlar əmələ gəlib. Gecə saat 12-dən başlayan yağış ertəsi  biri gün günorta saat 12-yə qədər aramsız yağıb, ona görə də, fəsadlar çox olub. Hazırda çay yataqlarında işlər gedir.

 “Əslində rayonda körpü uçmayıb, kənd daxilində əsas körpüdən əlavə insanlar yaxın olsun deyə körpü qurublar. Uçqun həmin piyada körpüsünün çiyin hissəsində baş verib. Bir az çökmə var, amma tam yuyub aparmayıb”, – deyə T. Əhmədov bildirib.

Balakən RİH başçısının müavini Mehparə Nuriyeva isə virtualaz.org-a leysan yağışları nəticəsində rayon təsərrüfatına 750 min manatlıq ziyan dəydiyini bildirib

“Katex və İtitala kəndlərində bir çox həyətləri, obyektləri su basıb. Yağış ən çox İtitala kəndinə ziyan vurub. İlkin hesablamalara görə, Balakən rayonunda təsərrüfata 750 min manat civarında ziyan dəyib. Xırda buynuzlu mal-qara, ev quşları məhv olub. Əkin sahələri, fərdi təsərrüfatlar, bir də inzibati binalar, məsələn məktəblərin həyəti, uşaq bağçalarının binası ziyan çəkib. Katex çayı üzərində körpü zədələnib”.

250690_src

Xatırladaq ki, sel suları nəticəsində Zaqatalada Zilban çayı üzərindəki Zilban və Car kəndlərini birləşdirən, eləcə də Tala çayı üzərindəki Meşleş və Yuxarı Tala kəndlərini birləşdirən körpülərin bəndlərini və çiyin hissələrini su yuyub, körpülərdə hərəkət dayanmışdı. Təbii fəlakət nəticəsində rayonun Bəhmətli, Lahıc, Höytala, Vöhtala, Mamrux, Çobankol, Zəyəm, Yuxarı Tala, Aşağı Tala və digər yaşayış məntəqələri sel sularının altında qalmışdı.

Güclü leysan yağışları nəticəsində Balakən rayonu ərazisindən axan Katex və Balakən çaylarında daşqınlar müşahidə olunurdu. Leysan və daşqınlar Katex, Püştətala, Kortala və İtitala kəndlərində vətəndaşlara məxsus təsərrüfatlara, qarğıdalı, tütün sahələrinə ciddi ziyan vurub.


Bu rayonlarda yol infrastrukturuna dəyən ziyanla bağlı məlumat almaq istəsək də, Azərbaycan Avtomobil Yolları Dövlət Agentliyi ilə əlaqə saxlamaq mümkün olmadı.

Ekologiya və Təbii Sərvətlər Nazirliyi isə Azərbaycanda müşahidə olunan qeyri-sabit hava şəraitinin avqust ayının 16-dək davam edəcəyi ilə bağlı məlumat yayıb. Rayonlarda havanın bir qədər küləkli keçəcəyi, bəzi yerlərdə səhər və axşam saatlarında yağış yağacağı gözlənilir.





Xəbərin oxunma sayı : 559




Hadisə

Xəbərlər

ARXİV
Əlaqə | Haqqımızda  
Buy website traffic cheap