"Report" xəbər verir ki, 1975-ci il təvəllüdlü kənd sakini Famil Ağayev Siyəzən Rayon Polis Şöbəsinin növbətçi hissəsinə aprelin 15-də evindən oğurluq edilməsi ilə bağlı müraciət edib.

Hadisə yerinə baxış keçirən əməliyyat qrupu evdən 1 ədəd qızıl boyunbağı, 1 ədəd qızıl nişan üzüyü və 55 manat nağd pulun oğurlandığını müəyyən edib.

Aparılan əməliyyat-axtarış tədbirləri zamanı oğurluğun 1998-ci il təvəllüdlü Balaca Həmyə kənd sakini Qəribağa Zeynalov tərəfindən törədildiyi məlum olub. O, tutularaq istintaqa təhvil verilib.

Hazırda Q.Zeynalovun digər oğurluq hadisələrində əlinin olub-olmadığı araşdırılır.

Faktla bağlı cinayət işi açılıb, istintaq araşdırmaları davam etdirilir.