Dünyanın ən gözəl qadınının adı açıqlanıb - FOTOLAR Türkan dəyişib belə oldu - FOTO Küsülü olan azərbaycanlı məşhurlar - SİYAHI Xatirə qırmızıya büründü - Fotolar
Axtar
 
  • / Maqazin / — 10 Mart 2024

    Dünyanın ən gözəl qadınının adı açıqlanıb - FOTOLAR

  • / Maqazin / — 09 Mart 2024

    Türkan dəyişib belə oldu - FOTO

  • / Maqazin / — 07 Mart 2024

    Küsülü olan azərbaycanlı məşhurlar - SİYAHI

  • / Maqazin / — 05 Mart 2024

    Xatirə qırmızıya büründü - Fotolar

  • / Maqazin / — 18 Fevral 2024

    “Məni bəyənməyənlər zövqsüzdür...” - Nura Suri

  • / Maqazin / — 17 Fevral 2024

    “Həbsxanada yataram, üzr istəmərəm” - VİDEO

SOCAR mühüm tenderi ərəblərə uduza bilər

Tarix 23.02.17, 18:30

Font ölçüsü : - / +
bitmap-img6


Səudiyyə Ərəbistanının “Saudi Aramco” şirkəti Avstriyanın “OMV AG” konserninin Türkiyədəki törəməsi olan “Petrol Ofisi A.Ş.”-ni almağa ən real namizəddir.

Bu barədə “Reuters” agentliyi öz mənbələrinə istinadən yazır.

Bildirilir ki, “Petrol Ofisi” üçün təklifini Avstriya konserninə göndərən “Saudi Aramco” qarşı tərəfdən müsbət cavab alacağını gözləyir.
OMV-nin rəsmisi də təklifləri aldıqlarını təsdiqləyib. 2015-ci ildə “Petrol Ofisi”nin satış gəlirlərinin 10 mlrd. avro səviyyəsində olduğunu bildirən konsernin sözçüsü əlavə şərhdən boyun qaçırıb.
“Saudi Aramco” rəsmisi isə spekulyasiyalara səbəb olmamaq üçün şərh vermək istəmədiyini qeyd edib.

“Reuters” agentliyinin başqa mənbədən əldə etdiyi məlumata görə, artıq SOCAR da OMV-yə öz təkliflərini göndərib.
Qeyd edək ki, OMV “Petrol Ofisi”nin satışının bu il tamamlanacağını bildirib. Agentlik SOCAR rəsmilərindən məsələyə dair şərh ala bilməyib.

Xatırladaq ki, bundan öncə “Petrol Ofisi”nin açıqlamasında satışla bağlı prosedurların plana uyğun şəkildə davam etdiyi vurğulanıb: “Prosedurun bu il tamamlanacağına qərar verilib. Artıq satışla bağlı keçirilən tenderdə iştirak edən şirkətlərin təklifləri alınıb”.

Bundan öncə “SOCAR Türkiye Enerji A.Ş.”-nin baş icraçı direktoru Zaur Qəhrəmanov bildirib ki, SOCAR Avstriyanın OMV şirkətinin törəməsi olan “Petrol Ofisi”nin alışından imtina edə bilər. Bununla yanaşı, Z. Qəhrəmanov “Petrol Ofisi”nin SOCAR üçün ən uyğun variant olduğunu da dilə gətirib: “Təbii ki, dəyərləndirmələrimiz davam edir. “Petrol Ofisi”nin alışını baş tutmazsa, şirkətin “B” və “C” planı da var. Başqa şirkətlərin satın alınması və sıfırdan bir şirkətin qurulması baş tuta bilər”.

Onu da qeyd edək ki, “Petrol Ofisi”ni almaqda iddialı olan şirkətlərin sayı azalıb. Belə ki, OPET və BP şirkətləri “Petrol Ofisi”nin alışına dair keçirilən tenderdə iştirakını dayandırıb.
Hazırda 4 şirkət tenderdə iştirakını davam etdirir ki, bunlar da “Saudi Aramco”, “Petromim-C”, “Vitol” və SOCAR-dır.

“Bloomberg” agentliyi öz mənbələrinə istinadən xəbər verir ki, yuxarıda adları çəkilən şirkətlər arasında “Petrol Ofisi”nin yeni sahib olmağa ən çox şansı olan “Saudi Aramco”dur. Bildirilir ki, ərəb şirkəti OMV-yə 1,6 mlrd. avro təklif edib.
Bundan öncə xəbər verdiyimiz kimi, “Saudi Aramco” danışıqlar prosesinə HSBC bankını cəlb edib.

Xatırladaq ki, OMV-nin baş icraçı direktoru Rayner Zele (Rainer Seele) bildirib ki, onun rəhbərlik etdiyi şirkətə “Petrol Ofisi”ni almaq istəyən şirkətlərdən təkliflər daxil olub: “Strategiyamıza uyğun hərəkət etməyə davam edirik. “Petrol Ofisi”nin satışına dair ilk təklifləri almışıq”.

SOCAR-a YDM məntəqəsi STAR neft emalı zavodu ilə inteqrasiya üçün lazımdır. Türkiyənin İzmir şəhərində yerləşən zavod 2018-ci istismara veriləcək.
“Petrol Ofisi”nin Türkiyə ərazisində 2000-ə yaxın YDM-i var. Son statistikaya əsasən, şirkət bazarın 22,7%-nə nəzarət edir.  /APA



Xəbərin oxunma sayı : 223




İqtisadiyyat

Xəbərlər

ARXİV
Əlaqə | Haqqımızda  
Buy website traffic cheap