Gümüşdağ jurnalistin "Çinizin hazırkı performansını görüncə satışına görə peşman olursunuz? Daha yüksək qiymətə sata bilərdik deyirsiniz?" suallarına belə cavab verib: "Qətiyyən elə düşünmürəm. O zaman başqa klublarımız kimi düşünmüş olaram. Həmin vaxt bu mənim üçün çox gözəl satış idi. O dönəmdə "Mançester Siti" və "Roma" Çingiz üçün klubumuzu sözün əsl mənasında işğal etmişdi. Gələcəkdə Çingiz 100 milyon avroya satıla bilər".

 

Qeyd edək ki, "Başakşəhər" 2016-cı ildə "Altınordu"dan 4,7 milyon avroya aldığı Ünderi bir il sonra "Roma"ya 13,4 milyon avroya satıb. 20 yaşlı forvard cari mövsümdə keçirdiyi 20 rəsmi oyunda 5 qol vurub və 1 məhsuldar ötürmə edib. "Transfermarkt" hazırda ona 10 milyon avro qiymət qoyub.