AzFakt.com AZƏRTAC-a istinadən bildirir ki, "Qara dəniz nəyi ilə məşhurdur?" sualına çoxlu cavablar var, amma yenə də Qara dənizin yeməkləri bu suala hər dəfə ən çox verilən cavablar sırasındadır. Qara dəniz xörəkləri regionun coğrafi quruluşunun, iqlim şəraitinin xüsusiyyətlərini daşıyır. Özünəməxsus ləzzətinin aşkar edildiyi Qara dəniz mətbəxinin yeməkləri dörd fəsildə fərqli dadları dadmaq istəyənlər üçün alternativlər təqdim edə bilər.

Sürü halında yaşayan hamsi yeyilə bilən ən kiçik balıq növlərindən biridir. Qara dəniz bölgəsində bol olan hamsi oktyabr ayından ovlanmağa başlanılır. Xüsusilə, noyabr-dekabr-yanvar ayları məhsuldardır. Hamsinin ən dadlı olduğu ay dekabr kimi tanınır. Türkiyənin hər bölgəsində istehlak edilən hamsi, xüsusilə Qara dəniz mətbəxində tez-tez istifadə olunur. Buxarda bişirilmiş hamsi, hamsi quşu, hamsi plovu, hamsi çörəyi kimi reseptlərdə öz yerini tapır. Salatların və turşuların hazırlanmasında da istifadə olunur. Hamsi əsasən limon və soğanla yeyilir, bu da onu dadlı edir.

Qara dənizlilər üçün muhlama səhər yeməyinin ayrılmaz parçasıdır. Orada balıq yemək üçün qurulan süfrədə də muhlama ilə rastlaşa bilərsiniz. Muhlama kərə yağı, qarğıdalı unu və kəsmiklə bişirilir. Yeməkdə pendirin daha çox bol olması onu unikal edir. Eyni zamanda, kərə yağı ilə doldurulmuş Qara dəniz dolmasının hər kəsin iştahanı açması da təbiidir.