AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Təhsil Tələbə Krediti Fondunda şübhəli satınalma: Tenderdə qalib gələn MMC-lər qurumun sədrinə məxsusdur?


Tarix 18.01.24, 18:04	Font ölçüsü : - / +

Azərbaycanda hökumətin prioritet hesab etdiyi sahələrdən biri də Təhsildir. Məhz bunun bariz nümunəsidir ki, “Azərbaycan Respublikasında təhsilin inkişafı üzrə Dövlət Strategiyası”na uyğun olaraq qabaqcıl texnologiyalara əsaslanan infrastruktura malik təhsil sisteminin yaradılması üçün hər il dövlət büdcəsindən yüz milyonlarla manat vəsait ayrılır.

Hökumətin bu istiqamətdə gördüyü mühüm işlərdən biri də Təhsil nazirliyi sistemində son illər aparılan struktur və kadr islahatları, keyfiyyət və əhatəliliyə əsaslanan strateji təşkilatların yaradılmasıdır. Belə təşkilatlardan biri də Prezident İlham Əliyevin 17 iyun 2021-ci il 1367 saylı fərmanı əsasında Azərbaycan Respublikası Elm və Təhsil Nazirliyinin tabeliyində yaradılan Təhsil Tələbə Krediti Fondudur.

Təhsil almaq istəyən vətəndaşlara bərabər imkanlar yaratmaq və təhsilin əhatə dairəsini genişləndirmək məqsədi ilə yaradılan Təhsil Tələbə Krediti Fondu hazırda Elm və Təhsil nazirliyinin tabeliyində fəaliyyət göstərməyinə baxmayaraq, müstəqil olaraq dövlət satınalmaları həyata keçirir.

Hər il müxtəlif lotlar üzrə Fondun keçirdiyi satınalmaların bəziləri isə qeyri-şəffaflığına görə dövlət büdcəsindən formalaşan müxtəlif qurumların satınalmalarına bənzəyir.

AzFakt.com xəbər verir ki, YeniÇağ.az saytı Təhsil Tələbə Krediti Fondunun şəffaflığı şübhə oyadan satınalmaları barədə araşdırma aparıb.Bu araşdırmada fondun keçirdiyi tender qalib gələn təşkilatın Fondun rəhbərliyinə bağlılığını göstərən ciddi faktlar ortaya çıxır.

Məsələn, Təhsil Tələbə Krediti Fondu 2022-ci ilin aprel ayının 29-da "TTKF-nin fəaliyyəti ilə bağlı elan, bildiriş və reklamların, məlumatların, xəbərlərin, süjetlərin, təbliğat-təşviqat xarakterli video və audio materialların hazırlanmasının və KİV-də və sosial şəbəkələrdə yerləşdirilməsinin, yayılmasının, eləcə də ekspertlərin və tərcüməçilərin xidmətlərinin təşkili" və "Tədbirlərin (görüşlər, təlimlər, konfranslar, təqdimatlar, seminarlar və s.) keçirilməsinin təşkili" üzrə iki satınalma həyata keçirib.

Bu satınalmaların ümumi məbləği 38.586 manat olub.

Təhsil Tələbə Krediti Fondu 2022-ci ilin noyabr ayının 23-də "Istehlakyönlü müxtəlif xidmətlərin satınalınması" lotu üzrə daha bir tender keçirib. Bu tenderin məbləği 123.900 manat olub.

Fond hər üç tenderdə "PERFORMANCE CONSULTING" Məhdud Məsuliyyətli Cəmiyyətini qalib edib.

Təhsil Tələbə Krediti Fondu 2023-cü ildə "PERFORMANCE CONSULTING" Məhdud Məsuliyyətli Cəmiyyəti ilə işbirliyini davam etdirib.

Belə ki, Fond "Təbliğat-təşviqat xarakterli reklam xidmətləri" məqsədi ilə 2023-cü ilin mart ayında keçirdiyi tenderdə də "PERFORMANCE CONSULTING" Məhdud Məsuliyyətli Cəmiyyətini qalib edib.

Fond bu tenderdə "PERFORMANCE CONSULTING" MMC-yə 219 min manat ödəyib.

"PERFORMANCE CONSULTING" MMC kimindir?

İki il ərzində Təhsil Tələbə Krediti Fondunun 381 min manatlıq tenderində qalib olan "PERFORMANCE CONSULTING" Məhdud Məsuliyyətli Cəmiyyəti 2021-ci ilin yanvar ayında dövlət qeydiyyatına alınıb.

On manat nizamnamə kapitalı olan "PERFORMANCE CONSULTING" MMC dövlət qeydiyyatına alınarkən qanuni təmsilçisi Cəfərov Ramin Oqtay oğlu olub.

Ramin Cəfərov bir müddət sonra Elm və Təhsil Nazirliyinin Təhsilin İnkişafı Fondunun İnzibati şöbəsinin müdiri vəzifəsinə təyin olunub.

Bundan sonra "PERFORMANCE CONSULTING" MMC-də Ramin Cəfərovun anası Raidə Cəfərova qanuni təmsilçi statusu qazanıb.

Daha ilginc olan isə 381 min manatlıq satınalmada qalib olan, satınalma müqaviləsinin şərtlərinə görə Fondun təbliğat-təşviqat işlərini aparmaq, görüşlər, seminarlar, tədbirlər, təqdimatlar, təlimlər keçirmək öhdəliyi olan "PERFORMANCE CONSULTING" MMC-nin öz fəaliyyətini əks etdirən web saytın olmamasıdır. Bu şirkətin nəinki web saytı, heç bir maliyyə tələb etməyən sosial şəbəkələrdə səhifələri də yoxdur.

Belə bir təşkilatın Təhsil Tələbə Krediti Fondunun 381 min manatlıq tenderində qalib olması yəqin ki, bu təşkilatın rəhbərliyinin sifarişçi təşkilatla eyni strukturda olması ehtimalıdır.

Araşdırmalarımız zamanı Təhsil Tələbə Krediti Fondunun 2023-cü ilin noyabr ayının 22-də keçirdiyi daha bir satınalma diqqətimizi çəkdi.

Fondun "Təhsil Tələbə Krediti Fondunun fəaliyyəti ilə bağlı ictimai sorğunun keçirilməsi xidmətinin satın alınması" lotu üzrə keçirdiyi 53.100 manat dəyəri olan satınalmada "PRİMA CONSALTİNG" Məhdud Məsuliyyətli Cəmiyyəti qalib olub.

Qalib şirkət Fond sədrinə məxsusdur?

Araşdırmalarımız zamanı Təhsil Tələbə Krediti Fondunun 2023-cü ilin noyabr ayının 22-də keçirdiyi satınalma diqqətimizi çəkdi. Fondun “Təhsil Tələbə Krediti Fondunun fəaliyyəti ilə bağlı ictimai sorğunun keçirilməsi xidmətinin satın alınması” lotu üzrə keçirdiyi 53 min 100 manatlıq satınalmada “PRİMA CONSALTİNG” Məhdud Məsuliyyətli Cəmiyyət (MMC) qalib olub.

“PRİMA CONSALTİNG” MMC 2013-cü ildə təsis edilib. Qurum təsis edilərkən onun ilk qanuni təmsilçisi Əliyeva Nigar Namiq qızı olub. Sonradan qanuni təmsilçi statusu Əliyev Famil Möhübəli oğlu keçib. Lakin hazırda şirkətin qanuni təmsilçisi Mənsimova Cəmilə Eldar qızıdır. Burada diqqəti çəkən qaranlıq məqamlardan biri “PRİMA CONSALTİNG” MMC-nin Təhsil Tələbə Krediti Fondunun fəaliyyəti ilə bağlı göstərilən xidmətlərə dair əhalinin məmnunluq səviyyəsinin qiymətləndirilməsi məqsədilə sosioloji sorğunu hansı məkanlarada və neçə respondentin iştirakı ilə keçirməsidir. Bu barədə məlumatın Fondla sözügedən MMC arasında bağlanan satınalma üzrə müqavilənin predmetini təşkil edib-etmədiyi məlum olamasa da, açıq mənbələrdə həmin informasiyaya rast gəlinmir.

Ancaq bu da şübhə doğuran məqamların sonuncu “bənd”i deyil. İddialara əsasən, haqqında danışılan tenderdə qalib gələn “PRİMA CONSALTİNG” MMC məhz Təhsil Tələbə Krediti Fondunun sədrinə məxsusdur. Bununla bağlı səslənən iddialarda Təhsil Tələbə Krediti Fondunun sədrinin vaxtilə özəl sektorda fəaliyyət göstərdiyi zaman bu təşkilatın dövlət satınalmalarında iştirakına və qalib gəlməsinə dəstək verdiyi bildirilir.

Qeyd edək ki, Fondun keçirdiyi tenderdə qalib olan bu MMC-nin sifarişçi təşkilatın rəhbərinə məxsus olmasına dair iddialar Azərbaycan Respublikasının “Dövlət satınalmaları haqqında” Qanununun əsas müddəalarının kobud şəkildə pozulması anlamına gəlir.

Təhsil Tələbə Krediti Fondunun keçirdiyi tenderlə bağlı yuxarıda qeyd olunan iddianın ciddiliyini nəzərə alaraq, həmin məqama aydınlıq gətirilməsi xahişi ilə fonda rəsmi sorğu ilə müraciət etdik. Ancaq təəssüf ki, göndərdiyimiz sorğuya verilən ümumi xarakterli cavabda vurğulanan iddiaya hər hansı formada münasibət bildirilməyib. Cavabda sadəcə olaraq, fondun keçirdiyi tenderlərin müvafiq qanunvericilik əsasında təşkil edildiyi və təsdiqləndiyi qeyd olunub:

“Müraciətinizdə qeyd etdiyiniz məsələ ilə bağlı bildiririk ki, Fondun hər il üçün təsdiq edilmiş xərclər smetasında nəzərdə tutulmuş vəsaitlər hesabına malların (işlərin, xidmətlərin) satın alınması “Dövlət satınalmaları haqqında” Azərbaycan Respublikasının Qanununa uyğun olaraq satınalma planına əsasən elektron qaydada dövlət satınalmalarının vahid internet portalı vasitəsi ilə elan verilməklə həyata keçirilir. Satınalmalar zamanı dövlət vəsaitindən səmərəli və qənaətlə istifadə edilməsi, müsabiqə və aşkarlıq əsasında bütün malgöndərənlərə bərabər rəqabət mühiti yaradılması prinsipləri əsas götürülür. Həmçinin, elektron satınalma portalı vasitəsi ilə həyata keçirilən satınalma prosesləri müvafiq dövlət qurumu tərəfindən nəzarət olunmaqla tamamilə aşkarlıq, şəffaflıq, bərabərlik və rəqabətlilik prinsipləri əsasında təşkil edilmişdir.

Satınalmaların yekununda Tender komissiyasının təsdiq etdiyi yekun protokollar münasibət bildirilməsi və rəy alınması məqsədi ilə dövlət satınalmalarına nəzarət edən müvafiq icra hakimiyyəti orqanı olan Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə göndərilir, həmin qurumun müvafiq rəyindən və təsdiqindən sonra qalib təşkilatlarla müqavilələr rəsmiləşdirilir. Satınalmaların yekunu ilə bağlı məlumatlar müvafiq qaydada həm elektron satınalma portalında, həm də Fondun rəsmi saytında yerləşdirilir. Bir daha müraciətinizə görə təşəkkür edərək bildiririk ki, qeyd etdiyiniz iddialar həqiqəti əks etdirmir. Hər-hansı əlavə sualınız yaranarsa hər zaman suallarınızı cavablandırmağa və məsələlərə aydınlıq gətirməyə hazırıq”.

Göründüyü kimi, cavabda Təhsil Tələbə Krediti Fondunun keçirdiyi məlum tenderdə qalib elan olunan MMC-nin faktik sahibinin kimliyi və onun sifarişçi ilə əlaqələrinə dair şübhəli məqamların üzərindən sükutla keçilib, “arzuedilməz” nüanslara toxunulmayıb. Ancaq bu taktika faktların biurdəfəlik ortadan qalxması, yaxud da onların mahiyyətinin dəyişməsi üçün yetərli deyil.

Mövzunu davam etdirəcəyik..

Xəbərin oxunma sayı : 742