Strateq.az bildirir ki, bu barədə İtaliyanın Kataniya Universitetinin alimləri apardıqları tədqiqat nəticəsində belə qənaətə gəliblər. Məlumatı “Science Alert” portalı yayıb.

Alimlər dünyadakı real var – dövlətin bölgüsü modeli əsasında həyatın detallı təsviri olan komputer simulyasiyasını yaradıblar. Bu virtual məkanda bütün var-dövlətin 85 faizi reallıqda olduğu kimi dünya əhalisinin 10 faizinə məxsusdur. Lakin simuliyativ modelləşmədə istedad, intellekt və iş qabiliyyəti bütövlükdə bütün insanlar arasında bərabər bölünüb. Əvvəlcə komputer min nəfər orta səviyyədə bacarığı olan insanları modelləşdirib.  Bu halda modelləşdirilmiş heç bir agent digərindən ağıllı və əməksevər olmayıb. Onların qazancı bərabər bölünüb.

Bundan sonra modelə virtual iştirakçıların bəxtləri gətirəcəyi halda öz rifah halını yüksəltməyə imkan verəcək bir sıra təsadüfi hadisələri daxil ediblər. Virtual nəticələr belə olub: Reallıqda olduğu kimi virtualda da 20 faiz insan 80 faiz var-dövlətin sahibi olub. Simulyasiya oyununu bir neçə dəfə təkrarlayıblar. Nəticələr dəyişməyib.

Alimlər qeyd ediblər ki, bu zaman uğur əldə etmiş insanlar heç də ən istedadlı şəxslər olmayıb. Əksinə, orta imkanlara malik olan 20 faiz iştirakçı uğur qazanıb: “Bizim tədqiqatlar uğur qazanmağın əsasında duran xidmətlər sisteminə yeni tərəfdən baxmaq imkanı verib. Eyni zamanda bu tədqiqat insanların digərlərindən sadəcə şansın gətirdiyi var-dövlətə görə üstünlük əldə etmə riski ilə  bağlı məlumat öyrənmə imkanı yaradır”.