AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Xaçmazda imam müavini arvadını boğaraq öldürdü – TƏFƏRRÜAT


Tarix 04.10.25, 15:01	Font ölçüsü : - / +

Xaçmazda ailə münaqişəsi dəhşətli cinayətlə nəticələnib.

Modern.az-ın məlumatına görə, rayonun Xaspoladoba kəndində məscid imamının müavini olmuş 48 yaşlı kişi arvadını boğaraq qətlə yetirib. Məhkəmə onun barəsində 10 il 6 ay müddətinə azadlıqdan məhrumetmə cəzası təyin edib.

Cinayət işi materiallarına görə, təqsirləndirilən şəxs 1977-ci il təvəllüdlü Asəf Məmmədov (ad şərtidir) arvadı Yaqut Məmmədova (ad şərtidir) ilə 20 ildən çox evli, üç övlad atası olub. O, Xaçmaz rayonu Xaspoladoba kənd məscidində imam müavini kimi çalışıb.

Hadisə 2025-ci il 6 aprel axşamı baş verib. Həmin gün cütlük qohumlarının hərbi xidmətə yola salınması mərasimində iştirak edib. Mərarasim zamanı kişi arvadına “sıxıldığını, evə getmək istədiyini” deyib, lakin qadın etiraz edib və onun bu davranışından narazılıq bildirib.

Məhz bu an ailə mübahisəsinin başlanğıcı olub. Qadın ərinə “heç bir məclisdə axıra qədər oturmadıqlarını” söyləyib. Təqsirləndirilən şəxs evə getmək üçün avtomobilinə minib, qadın da onunla birlikdə evə dönüb.

Yolda və evə çatdıqdan sonra mübahisə davam edib. Qadın ərini və anasını təhqir edib, boşanacağını bildirib. Kişi ifadəsində qeyd edib ki, həmin an özünü itirib və əsəbi vəziyyətdə həyat yoldaşını öldürüb.

Məhkəmədə ifadə verən təqsirləndirilən şəxs bildirib ki, uzun illər əsəb xəstəliyindən əziyyət çəkib və hadisə anında “özündə olmayıb”. “Həyat yoldaşımın boşanmaq istədiyini deməsi məni özümdən çıxardı. Həyatımın mənası qalmayacağını düşündüm. Özümə gəldikdən sonra məscidə gedib namaz qıldım və sonra polisə təslim oldum”, – deyə o ifadəsində bildirib.

Araşdırmaya görə, kişi mətbəxdə arvadının baş örtüyünü götürərək onun boğazına dolayıb və boğaraq öldürüb. Tibbi ekspertiza nəticəsində qadının boğulma (asfiksiya) nəticəsində öldüyü müəyyən edilib.

Məhkəmədə ifadə verən cütlüyün böyük qızı bildirib ki, valideynlərinin münasibəti əvvəl normal olub, evdə zorakılıq müşahidə etməyib: “Atam hirslənəndə əşyalara zərər vururdu, amma bizə əl qaldırmazdı. Anamı itirmişəm, atasız da qalmaq istəmirəm. Onun cəzasını çəkib evə qayıtmasını istəyirəm.”

Hadisə gecə saatlarında baş verdikdən sonra təqsirləndirilən şəxs polisə zəng edərək törətdiyi cinayəti etiraf edib və evdə meyit tapılıb.

Məhkəmə sübutları və ifadələri nəzərə alaraq Asəf Məmmədovu Azərbaycan Respublikası Cinayət Məcəlləsinin 120.1-ci maddəsi (qəsdən adam öldürmə) ilə təqsirli bilib. O, 10 il 6 ay müddətinə azadlıqdan məhrum edilib.

Xəbərin oxunma sayı : 1252