AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Xarici İşlər Nazirinin iki müavini DTX-da istintaq altında! - Sensasion həbslər gözlənilir


Tarix 12.08.20, 20:12	Font ölçüsü : - / +

Xarici İşlər nazirinin iki müavini bu gün DTX-da saatlarla istintaq altında olublar.

Musavat.com-a mötəbər qaynaqlardan verilən məlumata görə, xarici işlər nazirinin iki müavini – Ramiz Həsənov və Nadir Hüseynov XİN-də baş verən pozuntularla bağlı DTX-ya çağırılıb, saatlarla ifadə veriblər.

Məlumata görə, aparılan istintaq hərəkətlərinin nəticəsi olaraq yaxın günlərdə Xarici İşlər Nazirliyinin ali rəhbərliyinə aid vəzifəli şəxslərin həbsi gözlənilir.

Dövlət Təhlükəsizlik Xidməti Xarici İşlər Nazirliyində (XİN) iyulun 3-ü və 10-da nazirliyin məsul şəxslərinin həbsindən sonra(Bax bu linkə: https://musavat.com/news/dtx-xin-de-heyata-kecirdiyi-emeliyyatin-goruntulerini-yaydi-video_715714.html) nazirlikdə ciddi dəyişiklilər olacağı gözlənilən idi. Elmar Məmmədyarov Ermənistan-Azərbaycanla sərhəddə baş verən erməni təxribatları zamanı “evdən işlədiyi” üçün işdən qovuldu. Amma aydın idi ki, bu həbslər Məmmədyarovun taleyini zatən həll etmişdi.

Nazirliyin İşlər İdarəsinin müdiri Fərhad Mollazadə və Konsulluq İdarəsinin rəisi Faiq Bağırov da daxil olmaqla əməkdaşlarının həbsi nazirlikdə bu sahələri birbaşa kurasiya edən nazir müavinlərinin də ciddi cavabdehlik daşıyacağlarına işarə idi.

Məlumdur ki, Konsulluq İdarəsi nazir müavini Nadir Hüseynovun kurasiyasında olub. N.Hüseynov 2010-cu ilin noyabrın 24-dən nazir müavini postunda işləyib. Onu az-az hallarda Bakıya gələn əcnəbi qonaqları qarşılayanlar sırasında görmək mümkün idi.

Nadir Hüseynov

Nazirliyin İşlər İdarəsinin müdiri, həbs edilən Tender Komissiyasının sabiq sədri Fərhad Molla-zadə, İşlər İdarəsinin təsərrüfat şöbəsinin sabiq müdiri Səlim Əlizadə isə başqa bir nazir müavini-Ramiz Həsənovun kurasiya etdiyi idarənin rəhbər işçiləri idilər.

Ramiz Həsənov

R.Həsənov Azərbaycan icitmaiyyətinə tanış simadır. 1984-1990-cı illərdə SSRİ Xarici Ticarət Nazirliyində çalışıb. 2004-2005-ci illərdə isə Azərbaycanın Gürcüstandakı səfiri olub. 2005-2008-ci illərdə Standartlaşdırma, Metrologiya və Patent üzrə Dövlət Agentliyinin baş direktoru, 2008-2018-ci illərdə Standartlaşdırma, Metrologiya və Patent üzrə Dövlət Komitəsinin sədri vəzifəsində çalışıb. Yada salaq ki, prezident 20 aprel 2018-ci ildə bu komitəni ləğv edib. Çünki son illər komitənin məsul şəxslərinin sahibkarları təhdid edərək pul yığmasına, “haqq” verməyənlərin isə qapılarına qıfıl vurmasına dair məlumatların da ölkə rəhbərliyinə çatdırıldığına dair iddalar vardı. May ayında R.Həsənov E.Məmmədyarova müavin təyin edildi. R.Həsənovun qardaşı Dursun Həsənov bir neçə ildir ki, Gürcüstadakı səfirliyimizə rəhbərlik edir. Jurnalistlərin yaxşı tanıdığı, XİN-in keçmiş mətbuat katibi Elxan Poluxov isə nazir müavinin qaynıdır. Hazırda o da Braziliyada səfirdir.

Hələ ötən ay musavat.com bu mövzuya diqqət edərək adıçəkilən nazir müavinlərinin başlarının dərddə olması barədə yazı dərc etmişdi. Bildirilirdi ki, Məmmədyarov “mən ilin böyük hissəsini xarici səfərlərdə oluram, işləri müavinlərim idarə edir” deyərək, həbslərlə bağlı məsuliyyəti müavinlərinə “yükləyib” ki, haqsız sayıla da bilməz. Ehtimal etmək olardı ki, bu həbslərlə əlaqədar hüquq-mühafizə orqanlarının nazir müavinlərinə də ciddi sualları olacaq. “O da istinsna deyil ki, artıq anonsu verilən davam edəcək həbslər fonunda nazir müavinləri də ya istintaqa cəlb edilsin, ya da vəzifələrini itirsinlər” deyə, xəbərdə bildirilirdi.

İndi təsdiqlənir ki, məlumatı verən mənbə yanılmayıbmış…

Xəbərin oxunma sayı : 6289