E.İbrahimov deyib ki, “düşmən” ifadəsini keçmişdə Azərbaycan Xalq Cəbhəsindən olan deputatlara aid edib.

O qeyd edib ki, həmin şəxslər dövlətçiliyə qarşı çıxıblar: “Onlar dövlətçiliyə düşmən kimi idilər”.

E.İbrahimov bildirib ki, “düşmən” ifadəsini hazırda Milli Məclisdə təmsil olunan və ya olunmayan partiyalar haqqında deməyib: “Parlamentdə təmsil olunan patiyaların nümayəndələri iqtidarın deputatları kimi mənə əzizdir. Onlar özləri də bunu yaxşı bilirlər. Çünki həmin şəxslər konstruktiv mövqedən çıxış edirlər. Ona görə də, onlar haqqında elə söz deməmişəm, demərəm də. Ola bilər, fikirlərim düzgün başa düşülməyib, bəlkə kimlərsə ara qarışdırmağa çalışır…

Qeyd edək ki, E.İbrahimovun “Bəziləri bizim tərəfimizə keçdi, pul qazandı, hətta deputat da oldu. Amma bir şeyi deməliyəm ki, düşməndən sənə dost ola bilməz. Düşmən gəlib, içəriyə daxil olacaq və bir gün yenə öz düşmənçiliyini göstərəcək” fikri cəmiyyətdə ciddi müzakirələrə səbəb olub/Report.