Belə ki, sosial şəbəkələrdə bu dairədəki seçicilərin A.Mirzəzadədən narazılıqlarını ifadə etdiklərinə dair videogörüntülər yayıldı. 2000-ci ildən bəri 47 saylı Mingəçevir seçki dairəsini parlamentdə təmsil edən və yenidən seçkilərə qatılan A.Mirzəzadə Mingəçevirdə keçirdiyi görüşlərin birində etirazla qarşılaşdı. Seçicilər ona bu illər ərzində heç bir iş görmədiyini, indi də görüşlərinə büdcə təşkilatlarında çalışanları yığdığını deyiblər.

Təbii ki, bu dairədə də pozuntuların olduğuna dair iddialar var. Ancaq bununla belə, A.Mirzəzadəyə 30 faizdən artıq səs toplamaq mümkün olmayıb.

Onun rəqibi olan Səbuhi Abbasov isə 1774 səs toplayıb ki, bu da A.Mirzəzadədən fərqli olaraq, həmin namizədin YAP-ın və icra orqanlarının inzibati resurslarından istifadə etmədən əldə etdiyi kifayət qədər yüksək nəticədir.