Sıravi vətəndaş üçün əlbətəə ki, bu dartışma o qədər də maraqlı görünmür. Çünki köhnəli-təzəli deputatların böyük əksəriyyəti onsuz da “eyni küçənin döngəsindən və eyni ağacın kölgəsindən” keçərək, parlamentə düşüblər....

Təəssüf ki, cəmiyyətin az-çox ümidlə yanaşdığı gənc heyətin böyük qismi kreslosunu tutduqları sələflərindən xüsusilə də mənəvi keyfiyyətlərinə görə bir o qədər fərqlənmirlər. Yenilərin böyük qisminin düşüncəsinə, dünya görüşünə və bundan irəli gələrək, verdikləri açıqlamalara, paylaşdıqları statuslara, nəhayət davranışlarına diqqət yetirəndə görürsən ki, sanki köhnə “plastinka”nı götürüb, yerinə eyni mahnının yazıldığı yenisini qoyublar – sadəcə, ili təzədir.

Aşağıda dərc etdiyimiz fotonu Goranboydakı seçicilərdən biri göndərib. Bu şəkli 96 saylı Goranboy-Naftalan seçki dairəsindən deputat olan Anar Məmmədov özünün sosial şəbəkə səhifəsində paylaşıb. Yəni özü çəkdirib və məhz bu cür montaj edərək, səhifəsinə yerləşdirib.